Mobil va veb-saytlar ishlab chiqish bilan shug‘ullanuvchi Global Solutions kompaniyasi Facebook’dagi sahifasi orqali o‘zining sevimli ishi bilan shug‘ullanuvchi kishi uchun bepul sayt yaratib berish uchun kichik tanlov e’lon qildi, deb xabar bermoqda Index.uz.
Kompaniya o‘z iste’dodini namoyish qilishni istagan musiqachi, rassom, fotograf, raqqos yoki boshqa istalgan kishiga bepul veb-sayt va mobil dastur yaratib berishini ma’lum qilgan. Ishtirokchilar Facebook orqali shaxsiy xabarda o‘z rasmlarini jo‘natishlari, suratda qatnashchining aynan o‘zi bo‘lishi, shuningdek, nima bilan shug‘ullanishi bilinib turishi, rasm izohida esa nima uchun aynan u tanlanishi kerakligini tushuntirilishi lozimligi aytilgan.
Ariza jo‘natish muddati 2014-yil 30-oktabr soat 23:59 gacha qilib belgilangan. Keyin esa barcha ishtirokchilarning suratlari kompaniyaning Facebook’dagi sahifasida maxsus albomga joylashtirilib, ovoz berish boshlanadi. Eng ko‘p “layk” va izoh yig‘gan hamda foydalanuvchilar tomonidan eng ko‘p bo‘lishilgan surat sohibi bepul sayt va mobil dasturga ega bo‘ladi, deyilgan xabarda.
Izoh (0)