Мобил ва веб-сайтлар ишлаб чиқиш билан шуғулланувчи Global Solutions компанияси Facebook’даги саҳифаси орқали ўзининг севимли иши билан шуғулланувчи киши учун бепул сайт яратиб бериш учун кичик танлов эълон қилди, деб хабар бермоқда Index.uz.
Компания ўз истеъдодини намойиш қилишни истаган мусиқачи, рассом, фотограф, раққос ёки бошқа исталган кишига бепул веб-сайт ва мобил дастур яратиб беришини маълум қилган. Иштирокчилар Facebook орқали шахсий хабарда ўз расмларини жўнатишлари, суратда қатнашчининг айнан ўзи бўлиши, шунингдек, нима билан шуғулланиши билиниб туриши, расм изоҳида эса нима учун айнан у танланиши кераклигини тушунтирилиши лозимлиги айтилган.
Ариза жўнатиш муддати 2014 йил 30 октябрь соат 23:59 гача қилиб белгиланган. Кейин эса барча иштирокчиларнинг суратлари компаниянинг Facebook’даги саҳифасида махсус альбомга жойлаштирилиб, овоз бериш бошланади. Энг кўп «лайк» ва изоҳ йиққан ҳамда фойдаланувчилар томонидан энг кўп бўлишилган сурат соҳиби бепул сайт ва мобил дастурга эга бўлади, дейилган хабарда.
Изоҳ (0)