Ижтимоий тармоқларда аёл киши ҳамда ички ишлар ходими ўртасидаги тортишув акс этган видео тарқалди. Ҳолат юзасидан ИИББ хабар берди.
Унда маълум қилинишича, ҳолат ички ишлар ходими қоидабузарлик сабаб баённома расмийлаштираётган вақтда содир бўлган.
“Gentra автомашинасини тўхтатганимда монитордан фойдаланиб келаётгани маълум бўлди. Маъмурий баённома расмийлаштиришимни айтганимда менга қаршилик бўлди. Қўл қўйишдан бош тортди, устидан аёл киши келиб менга нисбатан ҳар хил ҳақоратли сўзлар ишлатди”, дейди ходим.
Маълум бўлишича, қоидабузарни ҳимоя қилиш учун автомобиль бошқариб етиб келган аёлнинг ҳужжатларида муаммолари борлиги маълум бўлди. Яъни у транспорт воситасини бошқариш ҳуқуқидан маҳрум қилинган бўлган. Ходим фаол қаршилик сабаб ёрдамчи куч ва эвакуатор чақирган.
Аёл эса воқеани қуйидагича изоҳлади:
“Мени видеога олишни бошлади. Видеом чиқмасин деб қўлларидан телефонни олдим. Кейин жарима майдонига олиб борамиз, дейишди. Биринчи қаршилик кўрсатдим. Жарима майдонига бордик, тушунмовчиликлар келиб чиқди. Ўзим билмаган ҳолда ҳақорат қилиб қўйдим. Бу ҳолат менга дарс бўлди. Ички ишлар ходимидан, халқимиздан узр сўрайман”, дейди у.
Ҳолат юзасидан суд мажлиси ўтказилди. Унга кўра, қоидабузар аёлга БҲМнинг 30 баробари миқдорида жарима тайинланди. Уни ҳимоя қилишга келиб, жанжалга аралшган аёлга эса БҲМнинг 3 баробари миқдорида жарима қўлланди.
Бундан аввал Бухоро вилоятининг Жондор туманида ҳайдовчи Cobaltʼни қасддан ЙПХ ходими устига ҳайдагани ҳақида хабар берилган эди. 19 январь куни Навоийда 16 ёшли бола отасининг машинасида ЙПХ ходимини уриб юбориб, унинг ўлимига сабабчи бўлганди.
Сурхондарёда ЙПХ ходими қочишга уринган ҳайдовчига электрошокер қўллаган эди. Сурхондарёда вояга етмаган бола ЙПХ ходимини судраб, Cobalt олиб қочган эди.
Узр сўраган “қаҳрамонлар”
- Самарқандда ахлоққа зид ҳаракатлар қилиб, ижтимоий тармоқ “юлдузи”га айланганлар узр сўраб чиқди (видео)
- “Ҳарипсанлар ҳаммаларинг, келишмагин Тошкентга”. Вилоятликларни ҳақоратлаган йигитларга чора кўрилди
- Сирдарёдаги мактабда ўқитувчини урган аёл узр сўради (видео)
- Қашқадарёлик директор мактаб формаси ҳақидаги гапи нотўғри талқин қилинганини айтиб, жамоатчиликдан узр сўради
- Тошкентдаги савдо марказларидан бирининг масъули ходимини калтаклади. Савдо маркази раҳбари воқеадан шокда эканини айтиб, узр сўраб чиқди
