Ўзбекистонликлар Латвияга юқори маош эвазига ишга чақирилмоқда. Бу ҳақда Миграция агентлиги хабар берди.
Унда айтилишича, Миграция агентлиги ва Латвиянинг “Сиа Креисс” корхонаси юк автомобили ҳайдовчилари учун бўш иш ўринларини таклиф этмоқда. Иш тури: юк автомобили ҳайдовчиси (Э-категория). Ойлик 1,6 минг евродан икки минг еврогача. Иш ўринлари сони 40 та.
Номзодларга қандай талаблар бор?
- 18-55 ёш оралиғида;
- рус тилини мулоқот даражасида билиш;
- Ўзбекистондан чиқишга тақиқи бўлмаслиги;
- камида 1 йиллик иш тажрибага эга бўлиши;
- судланмаган.
Фуқаро ҳисобидан:
- виза харажатлари;
- авиачипта;
- Агентлик тўлови 10 БҲМ;
- овқатланиш.
Рўйхатдан ўтиб анкета тўлдириш
Бундан аввал 2024 йил август ойида Ўзбекистон фуқаролари Латвияга юк автомобилларига техник хизмат кўрсатиш механиги сифатида ишга таклиф этилганди.
Хориждан ишга таклифлар:
- Маош 2,5 минг доллар: Hyundai компанияси ўзбекистонликларни ишга олади
- Маош соатига салкам 13 евро: ўзбекистонликлар Германияга ишга таклиф қилинмоқда
- Ўзбекистонликлар Польшага ишга таклиф қилинмоқда
Литва корхоналари билан 200 нафар Ўзбекистон фуқаросини ишга жойлаштириш тўғрисида келишувга эришилганди. Шунингдек, ўзбекистонликлар Японияга логистика, аэропорт хизмати ва юк ташиш йўналишларида ишга юборилиши айтилганди.
Ўзбекистонда 2018—2023 йилларда аҳоли даромадининг 16 фоизи мигрантлар улушига тўғри келган. Чет элларда ишлаётган юртдошлар ҳар йили Ўзбекистонга ўн икки-ўн беш миллиард доллар жўнатади.
