Жиззах вилоятининг Зарбдор туманидаги хонадоннинг оғилхонасида юз берган ёнғин бартараф этилди, деб хабар бермоқда вилоят ФВБ матбуот хизмати.
9 август куни соат 12:39 ларда Жиззах вилояти Зарбдор тумани Фавқулодда вазиятлар бўлимига «Тараққиёт» маҳалласи Олтинсой қишлоғидаги хонадонларнинг бирида ёнғин содир бўлгани ҳақида хабар келиб тушган.
ФВВ қутқарувчилари зудлик билан воқеа жойига етиб борганларида яшаш хонадонининг оғилхонасида сомон ғарами ёнаётгани маълум бўлган ва кўрилган тезкор ҳаракатлар натижасида ёнғин тўлиқ бартараф этилган.
Ёнғин натижасида оғилхонанинг 20 квадрат метр майдони том қисми ва 300 дона прессланган сомон ёниб зарарланган. Ҳодиса оқибатида жабрланган ва ҳалок бўлганлар йўқ.
Ҳозирда ҳолат юзасидан дастлабки тергов олди суриштирув ишлари олиб борилмоқда.
Бундан аввал Жиззахдаги Зомин тоғларида юз берган ёнғин бартараф этилгани ҳақида хабар берилган эди. Мавзуга доир:
