Putin: “Rossiya global xavfsizlikni taʼminlashda yaqindan hamkorlik qilishga tayyor”

Rossiya prezidenti Vladimir Putin Rossiya global va mintaqaviy xavfsizlikni ta’minlashda barcha manfaatdor sheriklar bilan yaqin hamkorlikka tayyorligini ma’lum qildi. Bu haqda “RIA Novosti” xabar berdi.

Yana ta’kidlayman: Rossiya global va mintaqaviy xavfsizlikni ta’minlash, ko‘pchilik mamlakatlar manfaatlariga javob beradigan yangi ko‘p qutbli dunyo tartibini shakllantirishda barcha manfaatdor sheriklar bilan yaqin hamkorlik qilishga tayyor, — dedi Putin xavfsizlik masalalari bo‘yicha oliy vakillarning XII xalqaro yig‘ilishi ishtirokchilariga videomurojaatda.

Uchrashuv Rossiya Xavfsizlik kengashi shafeligida Sankt-Peterburgda bo‘lib o‘tmoqda.

Bugungi uchrashuvingiz mamlakatlarimiz va xalqlarimiz farovonligi, sayyoramizda tinchlik va barqarorlik manfaatlari yo‘lida hamkorlikni mustahkamlashga yordam berishiga ishonaman, — deya qo‘shimcha qilgan Rossiya rahbari.