London va Berlin 2 ming kilometrdan ortiq masofaga zarba beruvchi yuqori aniqlikdagi qurol loyihasi ustida birgalikda ishlaydi. Bu haqda Buyuk Britaniya hukumatiga tayanib, Reuters xabar berdi. Ukrainadagi urush sabab har ikki mamlakat o‘zaro mudofaa hamkorligini kuchaytirdi.
Mazkur loyiha ikki davlat o‘tgan yili imzolagan mudofaa bitimining bir qismi hisoblanadi. O‘shanda Berlin va London Yevropa o‘z xavfsizligini mustaqil himoya qila olishi zarurligini ta’kidlagan edi.
Ushbu kelishuvdan so‘ng, Donald Tramp AQSH prezidentligiga qayta saylandi. U Yevropadagi ittifoqchilarini qit’a xavfsizligi uchun mas’uliyatni o‘z zimmasiga olishga chaqirib, keskin bayonotlar berdi. Bu esa mintaqa hukumatlarini milliy mudofaa sanoatini kuchaytirish bo‘yicha shoshilinch harakatlarga undadi.
Britaniya mudofaa vaziri Jon Xili va Germaniya mudofaa vaziri Boris Pistorius yangi qurol loyihasini Berlindagi uchrashuvda rasman e’lon qiladi.
“Bugungi xavfli dunyoda NATO va Yevropa ittifoqchilari birlashgan. Bu hamkorlik mudofaani o‘sish dvigateliga aylantiradi — ish o‘rinlari yaratadi, malakalarni oshiradi va Buyuk Britaniya hamda Germaniyada sarmoya jalb qiladi”, dedi Xili.
Lekin bayonotda loyiha byudjeti, muddatlar yoxud boshqa jihatlarga oid tafsilotlar ochiqlanmadi.
Izoh (0)