Сакура деганда кўпчиликнинг хаёлига Япония келади. Бу мамлакатнинг замонавий сайёҳлик образини гуллаётган сакураларсиз тасаввур қилиб бўлмайди, интернетда эса бу ҳодиса билан боғлиқ минглаб гўзал расм ва суратларни топишингиз мумкин. Аммо сакуранинг пойтахти кўпчилик ўйлаганидек кун чиқиш юрти эмас, балки Хитойдир.
Шу кунларда ижтимоий тармоқлар Хитойнинг Пинба шаҳрида жойлашган дунёдаги энг йирик саура боғининг видеолари ва суратлари билан тўлиб-тошди. Унинг ҳудудида 500 мингдан ортиқ гуллаётган дарахтлар жойлашган. Бу Япониядаги ҳар қандай боғдаги дарахтлардан кўпроқ, айнан ҳозир улар қийғос гул очган.
Сакура бу битта турдаги дарахт эмас, балки эрта гуллаш хусусиятига эга бўлган буталар гуруҳидир. Қизиғи, сакура фақат пушти ёки оқ рангли гуллар билангина қопланмайди, балки қизил ва ҳатто яшил рангда гуллаши ҳам мумкин. Яна бир факт – сакура раъногулдошлар оиласига мансуб бўлса ҳам фақат айрим турларигина мева беради. Одатда бу кичик ва еб бўлмайдиган гилос бўлиб, у деярли уруғдан иборат бўлади.
Изоҳ (0)