Бир асрлик “низо уруғи”нинг қуриши: Ўзбекистон, Тожикистон ва Қирғизистон ўртасидаги “миналар” тарихи

2025 йил 13 март куни Қирғизистон ва Тожикистон президентлари Садир Жапаров ҳамда Имомали Раҳмон икки давлат ўртасидаги давлат чегарасини делимитация қилиш тўғрисидаги тарихий келишувни имзолаб, бу билан 1924 йилда Совет Иттифоқи томонидан экиб кетилган “бомба”ларни зарарсизлантирди. Марказий Осиё республикалари, айниқса, Ўзбекистон, Тожикистон ва Қирғизистон ўртасидаги чегара масаласи узоқ йиллар давомида минтақавий барқарорликка таҳдид солиб келган мураккаб муаммо эди. Ушбу мақолада минтақа давлатлари ўртасидаги чегара масаласининг келиб чиқиши, асосий низоли ҳудудлар, можаро сабаб ва оқибатлари, шунингдек, эришилган келишувнинг аҳамияти таҳлил қилинади