“Миллион” кулги жамоаси апрель ойида “Халқлар дўстлиги” саройида 10 кунлик концерт дастурини беришни режалаштирмоқда. Жамоа аъзолари аллақачон концерт дастурига тайёргарликни бошлаб юборган. “Дарё” репитиция жараёнидан репортаж тайёрлади ҳамда янги концертдан нималар кутилаётгани ҳақида актёрлар билан суҳбатлашди.
Вайнер Мўмин Иброҳимов ўтган йили саҳнада ўзини ёқмоқчи бўлгани ва концерт дастурида қўлини синдириб олгани ҳақида гапирди.
— Рол ижро этаётганда ўзимни аямайман. Аммо эртаси куни оғриқлар бўлади. Ўтган йили отасига кутилмаган совға тайёрлайдиган ўғил томошасида ўзимни саҳнада ёқишни режалаштиргандим. Яъни ўғил отасига торт совға қилади ва ундаги шамларни ёқаётганида эҳтиётсизлик сабаб, кийимларини ёқиб юборади. Бунга бир неча бор тайёргарлик кўрдим, аммо буни бажаришимга рухсат беришмади. Бу нарса ҳам анчагина ҳафсаламни пир қилиб қўйди. Қилмоқчи бўлган ишингизга йўқ дейишса барибир одамнинг кайфияти бузулади. Бу йил ҳам бир мураккаб трюкни бажаришни режалаштиряпман. Тепадан ўзимни пастга ташлайман, насиб қилса бунисига рухсат оламан. Мен ана шундай трюкларни ўзим бажаришни ва томошабинни лол қолдиришни яхши кўраман, дейди Мўмин Иброҳимов.
Мўмин Иброҳимов саҳнада олган жароҳатлари ҳақида гапирди
— Оғриқлар бўлади, усиз иложи йўқ. Масалан, Наврўз байрами томошасида бир неча бор йиқилишим керак эди. Юз-қўлларим шилиниб кетганди. Кейин ёдингизда бўлса, каскадёр ролини ижро этгандим. Концертнинг иккинчи куни стулга йиқилганимда бармоқларим қайрилиб, синганди. Уни гипслатиб келсак, саҳнада хунук кўринади, деб концерт кунлари тугагунга қадар чидаганман. У қўлимда микрофон ушлолмасдим, энг ёмони саҳнада турганимда оғриқ кучаярди. Хуллас, бунга ўхшаш трамвалар бўлиб туради. Аммо аҳамият бермайман, “Миллион” ва унинг мухлислари учун жоним фидо деб, яна ижод қилишда давом этаман, дейди Мўмин Иброҳимов.
“Миллион” жамоаси аъзолари билан бўлган суҳбатни ва концертолди тайёргарлик жараёнлари билан яқиндан танишишни истасангиз, YouTube’даги “Daryo lifestayle” каналига ташриф буюринг. Бундан ташқари, бу каналда санъат вакиллари билан бўладиган суҳбатлар ва концерт дастурларидан махсус репортажларни ҳам томоша қилишингиз мумкин.
Изоҳ (0)