Жиззах вилоятининг Ғаллаорол тумани ҳудудидан ўтган халқаро аҳамиятга эга М39 йўлида 4 сентябрь куни соат тахминан 17:00 ларда ЙТҲ содир бўлди. Бу ҳақда Жиззах вилояти ИИБ ЖХХ Йўл ҳаракати хавфсизлиги бошқармаси ахборот хизмати хабар берди.
Маълум қилинишича, йўлнинг довон қисмида ҳаракатланиб келаётган “Газ-52” юк автомашинаси ҳайдовчиси нишабликда бошқарувни йўқотган.
Оқибатда ушбу юк автомашинаси ўзидан олдинда бир йўналишда ҳаракатланиб кетаётган Captiva’нинг орқа чап ён томонидан ва Nexia-3’нинг орқа томонидан урган. Тўқнашув оқибатида Nexia-3 ўзидан олдинда бўлган Spark автомашинасининг орқа қисмига урилган.
Ҳодиса оқибатида ҳалок бўлганлар йўқ. Nexia-3 автомашинаси йўловчисига биринчи тез тиббий ёрдам кўрсатилган.
Ҳодиса жойини кўздан кечириш ва расмийлаштириш вақтида автомобиль йўлида тирбандлик юзага келган.
Изоҳ (0)