Тошкент шаҳри Юнусобод тумани, Амир Темур кўчасида 2 август куни соат 19:10 ларда йўл-транспорт ҳодисаси содир бўлди. Бу ҳақда Тошкент шаҳар ИИББ Йўл ҳаракати хавфсизлиги бошқармаси ахборот хизмати хабар берди.
Маълум қилинишича, ҳайдовчи 1999 йилда туғилган Р.Қ. Tracker автомашинасини бошқариб кетаётиб, тартибга солинмаган пиёдалар ўтиш жойидан йўлни кесиб ўтаётган пиёда 2002 йилда туғилган Ч.А.ни уриб юборган.
ЙТҲ натижасида пиёда тан жароҳат олган ва шифокорлар томонидан биринчи тез тиббий ёрдам кўрсатилган.
Ҳолат юзасидан Тошкент шаҳар ИИББ Йўл ҳаракати хавфсизлиги бошқармаси масъул ходимлари томонидан суриштирув ҳаракатлари олиб борилмоқда.
Изоҳ (0)