Нью Йорк апелляция суди қуйи инстанция судининг АҚШ президенти Дональд Трампга Трумп Organization активларини баҳолашдаги фирибгарлик иши бўйича 515 миллион доллар тўлаш мажбуриятини юклаган қарорини бекор қилди. Бу ҳақда Associated Press хабар бермоқда.
Шу билан бирга суд Америка раҳбари ва унинг икки катта ўғлига бир неча йил давомида корпорацияларда раҳбарлик лавозимларини эгаллашни ман қилган. Нашрнинг таъкидлашича, Оқ уй раҳбарига белгиланган жарима “ҳаддан ташқари” бўлган.
Трамп ўзининг ижтимоий тармоқлардаги саҳифасида “тўлиқ ғалаба”ни эълон қилди.
“Суднинг Нью Йорк штати бўйлаб бизнесга зарар етказган ғайриқонуний ва шармандали қарорни бекор қилишга жасорати етгани учун чуқур ҳурмат билдираман”, деди АҚШ раҳбари.
10 январь куни Нью Йорк суди Трампни молиявий ҳужжатларни сохталаштириш иши бўйича жавобгарликдан озод қилди ва унга расмий судланганлик ҳолатини қолдирди. Сиёсатчига шартли бўлмаган озодлик берилди. Бу эса унга на қамоқ жазоси, на жарима, на синов муддати тайинланмаслигини англатади. Шу билан бирга, айблов ҳукми ўз кучида қолмоқда.
Шундай қилиб, Трамп жиноий ишлар бўйича судланган ҳолда лавозимга киришган биринчи АҚШ президенти бўлди.
Изоҳ (0)