Россия Давлат думасининг собиқ депутати Магомед Гажиев Ғарбга махфий маълумотларни етказгани учун АҚШдан камида 45 миллион доллар олган. Бу ҳақда Россия Бош прокуратураси иши материалларига таяниб, “РИА Новости” агентлиги хабар бермоқда.
Прокуратура маълумотларига кўра, Гажиев Россиядан ташқарида бўлганида Ғарб махсус хизматлари билан ҳамкорлик қилишга тайёрлигини билдирган ва бунинг эвазига унга чет эл фуқаролигини беришни сўраган.
Гажиев махфий маълумотларни ошкор қилгани учун АҚШ ҳукумат тузилмаларидан камида 45 миллион доллар олган.
Бунгача Бош прокуратура собиқ депутатнинг 2 млрд рубллик мулкини давлат фойдасига олиб қўйишни талаб қилган. Қайд этилишича, Гажиевнинг Россия Федерацияси ҳудудида тижорат кўчмас мулки, элита уй-жойлари, шунингдек, Доғистон, Москва ва Москва вилоятида ер участкалари қолган.
Маълумотларга кўра, Гажиев Туркия фуқаролигига эга. АҚШда банк ҳисоблари бор ва Fantom Foundation криптовалюта компанияси билан боғлиқ бизнесга эга.
Магомед Гажиев 2003-2021 йилларда Россия Давлат Думаси депутати сифатида фаолият юритган. 2023 йилда Россиядан чиқиб кетган. Ўшанда у Адлия вазирлиги томонидан хорижий агентлар реестрига киритилган. 2024 йил февралидан буён халқаро қидирувда ҳисобланади.
Изоҳ (0)