Марказий банк охирги ўн кунда ажратилган микроқарз ва автокредитлар фоиз ставкаларини эълон қилишда давом этмоқда. Навбатдаги маълумот 2025 йил 4 август ҳолати бўйича тақдим этилди.
Ҳисоб-китобларга кўра, 4 августгача бўлган 10 кунликда аҳолига ажратилган микроқарзлар фоиз ставкаси ўртаси 35,7 фоизни ташкил этган.
Бундан аввалги, 28 июлдаги таҳлилда ўртача микроқарз 34,9 фоиздан ажратилгани билдирилган. Яъни 20 кун ичида микроқарз олиш 1,2 фоизга қимматлашган.
Янгиланган маълумотга қараганда энг арзон микроқарз 21 фоиз, энг қиммат қиймат эса 40,5 фоиздан тўғри келган. Таққослаш учун, аҳолига ажратиладиган кредитлар (микроқарздан ташқари) ўртача 23,8 фоизни ташкил этган.
-KvIrTSUK.avif)
Жорий йил 4 августгача бўлган 10 кунликда автокредитлар ўртача ставкаси 23,8 фоиздан берилган. Бунда энг паст ставкадаги автокредит 18,4 фоиздан, энг юқори қийматдагиси эса 28,5 фоиздан ажратилган.
Таққослаш учун, аввалги ўн кунликда (28 июль ҳолатига) автокредитлар нархи ўртача 24,1 фоиздан бўлган.
Изоҳ (0)