Жо Байденнинг собиқ Америка маъмурияти аъзолари ҳокимиятда бўлган тўрт йил давомида мамлакатни вайрон қилишга уринган, миллионлаб одамларга АҚШ ҳудудига ноқонуний киришга йўл очган. Бу ҳақда Оқ уй раҳбари Дональд Трамп ўзининг Truth Social ижтимоий тармоғидаги саҳифасида маълум қилди.
“Барчани Хотира куни билан табриклайман. Ҳатто сўнгги тўрт йил мобайнида бузуқ радикал сўл ғоялар ёрдамида мамлакатимизни вайрон қилишга уриниб, 21 миллион кишининг АҚШга фақат лаёқатсиз президент маъқуллаши мумкин бўлган очиқ чегара орқали ноқонуний киришига йўл қўйган “сарқитлар”ни ҳам”, дея таъкидлади давлат раҳбари.
Трамп америкалик судьялар “АҚШни мамлакатни дўзахга киритишни истаган махлуқларнинг қарорларидан қутқаришига” умид билдирган. Шу билан бирга, Оқ уй раҳбари барчани қўрқмасликка чақириб, “Американи яна буюк ва хавфсиз қилишни” ваъда берди.
20 май куни Трамп Байден ҳокимиятда бўлганида расмий ҳужжатларни ўзи имзоламаганини ма`лум қилганди. АҚШ президентининг фикрича, Байден даврида ҳақиқий бошқарувни давлат раҳбарининг автоматик имзосидан фойдаланиш ҳуқуқига эга бўлган “радикал сўл телбалари” амалга оширган.
Аввалроқ АҚШ Адлия вазирлиги собиқ президентнинг рафиқаси Жилл Байденни, турмуш ўртоғида простата саратони аниқлангани сабабли, судга бермоқчи экани маълум бўлганди. Хусусан, вазирлик таъкидлашича, Жилл турмуш ўртоғининг касаллигини билган ҳолда, 2024 йилги президентлик сайловларида унинг номзодини қўйишда қатъий турган.
Апрель ойида Дональд Трамп Россия ва Украина ўртасидаги можарода АҚШнинг собиқ раҳбари Жо Байденни айбдор деб атаганди. Бундан олдин эса Трамп Байден маъмуриятини АҚШ ва Россия муносабатларини ёмонлаштиришда айблаганди.
Изоҳ (0)