“Ўзгидромет” ҳаво ҳарорати кўтарилиши бўйича тезкор гидрометеорологик ахборот эълон қилди.
Унга кўра, 14—16 май кунлари Ўзбекистон ҳудуди бўйича иссиқ об-ҳаво бўлиши кутилмоқда. 14 майда Қорақалпоғистон Республикаси, Хоразм, Бухоро, Навоий, Қашқадарё, Сурхондарё вилоятларида, 15—16 майда Ўзбекистон ҳудудининг катта қисмида ҳаво ҳарорати кундуз кунлари 39-41 даражагача, жанубда ва чўл ҳудудларда 42-43 даражагача кўтарилади.
14—15 майда шимолда ва чўл ҳудудларда, 16—17 майда республика бўйича баъзи жойларда шамол тезлиги 15-18 метр/секундгача кучайиши, чанг-тўзон билан кузатилиши кутилмоқда. 17 майда айрим жойларда баъзида шамол 20-22 метр/секундгача кучайиши мумкин.
“Ўзгидромет” ҳафталик об-ҳаво прогнозида сешанбадан бошлаб республика ҳудудига иссиқ ҳаво кириб келиши кучайишини маълум қилганди.
Изоҳ (0)