“Тошкент-3” терминалига кириш йўлагидаги қоидабузарликлар учун жарималар 15 майдан бошлаб автоматик тарзда транспорт эгасига юборилади. Бу ҳақда Uzbekistan Airports матбуот хизмати хабар беди.
Қайд этилишича, айни пайтда Тошкент аэропортидаги маҳаллий авиақатновлар терминалининг кириш йўлагига ўрнатилган йўл камераларини Ўзбекистоннинг йўл ҳаракати хавфсизлиги тизимлари билан интеграциялаш ишлари якунланмоқда.
2024 йил 15 майдан бошлаб тизим автоматик равишда ишлайди. Кириш йўлагида рухсат этилган тўхташ вақтидан ошиқ турган ҳайдовчилар автоматик равишда жаримага тортилади.
Терминалга қисқа муддатли кириш енгил автомобиллар учун 5 дақиқагача, сайёҳлик автобуслари ва микроавтобуслар учун 10 дақиқагача бўлган вақтга барчага рухсат этилади. Узоқроқ вақт тўхташ лозим бўлса, автотураргоҳдан фойдаланиш керак.
Изоҳ (0)