Агентлик ва миллий маркетплейснинг қўшма ташаббуси туфайли реабилитация воситаларига муҳтож деб топилган ўзбекистонликлар уларни танлашлари ва Uzum Market буюртма тарқатиш пунктлари мавжуд бўлган ҳар қандай аҳоли пунктларига етказиб бериш билан буюртма беришлари мумкин.
Субсидияни расмийлаштиришда муҳтожларга Uzum Market миллий маркетплейсида реабилитация учун товарлар сотиб олиш учун махсус промокод ҳам берилади. Синов режимида сервис Тошкент ва Самарқанд вилоятининг бир нечта шаҳарларида мавжуд бўлиб, синов муддати якунлангандан сўнг мамлакатнинг барча ҳудудлари аҳолиси зарур реабилитация воситаларини сотиб олиш учун ваучерларни олишлари мумкин.
— Бизнинг вазифамиз ногиронларга тўлиқ ҳаёт кечиришга ёрдам бериш ва уларни қўлтиқтаёқлар, ногиронлар аравачалари ёки юзлаб бошқа маҳсулотлар бўлсин, барча зарур реабилитация воситалари билан таъминлашдир, — дейди Ижтимоий ҳимоя миллий агентлиги директори Мансурбек Оллоеров. — Uzum Market миллий маркетплейси билан ҳамкорлик орқали биз мамлакат бўйлаб энг замонавий технологик ечимлар ва улкан инфратузилмалардан фойдаланишимиз мумкин. Бу эса минглаб ўзбекистонликлар учун кундалик вазифаларни ҳал қилиш, одатдаги турмуш тарзига қайтиш ва ҳатто севимли ишлари осонлашашини англатади.
— Биз қурган ва ривожлантиришда давом этаётган инфратузилма ёрдам бериши керак — бу Uzum Marketнинг ишлаш тамойилларидан биридир, — дейди Uzum Market бош директори Илшат Хаметов. — Ва биз ижтимоий ҳимоя агентлиги билан биргаликда бошлаган лойиҳа биз учун муҳим бўлган ушбу тамойилни акс эттиради. Бу йил биз бутун мамлакат бўйлаб 200 дан ортиқ аҳоли пунктларини қамраб олган ҳолда буюртма тарқатиш пунктлари тармоғини 3 баравар оширишни режалаштирмоқдамиз, яъни ёрдам ҳақиқатан ҳам муҳтож бўлганлар учун янада қулайроқ бўлади.
Муҳтож одамлар учун барча промокодлар телефон рақамларига боғланган бўлиб, фақат ишончли сотувчиларнинг маҳсулотларига амал қилади. Промокод орқали ўзбекистонликлар маълум тоифадаги товарларни сотиб олишда чегирма олишлари мумкин, шу билан бирга промокоддан фақат бир марта Президент ҳузуридаги Ижтимоий ҳимоя миллий агентлиги базасида рўйхатдан ўтган телефон рақамига боғланган ҳисобдан фойдаланиш мумкин.
Шериклик ҳуқуқи асосида.
Изоҳ (0)