Шавкат Мирзиёев 2 май куни Тошкент халқаро инвестиция форуми доирасида Сингапур парламенти спикери Сиа Киaн Пенгни қабул қилди.
Суҳбат давомида кадрлар тайёрлаш, инвестициялар, туризм ва жамоат хавфсизлигини таъминлаш соҳаларида ҳамкорликни ривожлантиришга алоҳида эътибор қаратилди. Олий даражадаги келишувлар устидан биргаликда самарали парламент назоратини ўрнатиш муҳимлиги таъкидланди.
Шундан сўнг президент Қирғизистон Вазирлар Маҳкамаси раиси Ақилбек Жапаровни қабул қилди.
Суҳбат давомида Ўзбекистон билан Қирғизистон ўртасидаги стратегик шериклик муносабатларини янада ривожлантириш, савдо, саноат кооперацияси, энергетика, транспорт ва логистика соҳаларида ҳамкорликни кенгайтириш, ҳудудлараро алоқалар ва маданий-гуманитар алмашинувни фаоллаштириш масалалари кўриб чиқилди.
Қамбарота ГЭС-1 ва Хитой—Қирғизистон—Ўзбекистон темирйўлини қуриш лойиҳаларининг амалий жиҳатларига алоҳида эътибор қаратилди.
Давлат раҳбари қабулида Саудия Арабистони энергетика вазири шаҳзода Абдулазиз бин Салмон Ал-Сауд бошчилигидаги делегацияси ҳам бўлди. Суҳбат давомида амалий ҳамкорликни янада кенгайтириш, Ўзбекистонда устувор инвестиция лойиҳаларини амалга ошириш масалалари кўриб чиқилди.
Савдо-иқтисодий ва инвестициявий шерикликда юксак даражага эришилгани қайд этилди. Бугунги кунда қўшма лойиҳалар портфели 30 миллиард доллардан ошди.
Ўзбекистонда энергетика тармоғини ривожлантиришга энг кўп инвестиция киритган АCWА Power компанияси билан самарали ҳамкорлик қилинаётгани таъкидланди.
Хабарда айтилишича, бу галги форум доирасида “яшил” энергетика, инфратузилма, соғлиқни сақлаш ва фармацевтика соҳаларида 18 миллиард долларлик лойиҳаларни амалга ошириш бўйича битимлар имзоланади.
Изоҳ (0)