46 ёшли филиппинлик афсона, саккизта вазн тоифасида собиқ жаҳон чемпиони Менни Пакьяо WBC ярим ўрта вазн версияси чемпиони, америкалик Марио Барриосга қарши жангдан сўнг профессионал фаолиятини давом эттиришга тайёр эканини маълум қилди.
Менни BoxingScene нашрига берган интервьюсида ўзини пул қизиқтирмаслиги ва иккинчи ҳамда учинчи даражадаги боксчиларга қарши рингга кўтарилишни истамаслигини айтди:
Гап яна жанг қилишни хоҳлаётганимда эмас, балки тайёргарликка етарли вақт ажратилишида. Мени фақат тўлиқ ва сифатли тайёргарлик қизиқтиради, чунки иккинчи ёки учинчи даражадаги рақиблар билан фақат пул учун жанг қилиш ниятим йўқ. Мен биринчи даражали боксчилар билан жанг қилиб, улар устидан ғалаба қозонишни хоҳлайман.
Шунингдек, у яна бир-икки ой шуғулланса, 100 фоиз тайёр бўлишини маълум қилди:
Ҳозирда ҳам яхши спорт формасидаман. Яна бир-икки ой жиддий тайёргарлик кўрсам, ҳар қандай рақибга қарши 100 фоизга тайёр бўла оламан.
Эслатиб ўтамиз, АҚШнинг Лас-Вегас шаҳридаги “MGM Grand” аренасида ўтган бокс оқшомида Пакьяо 30 ёшли Марио Барриосга (29-2-1) қарши ярим ўрта вазн тоифасида WBC камари учун рингга чиқди. 12 раунд давом этган жанг ҳакамларнинг бўлинган қарорида дуранг билан якунланди. Бу филиппинлик боксчининг сўнгги тўрт йилдаги илк жанги эди.
Изоҳ (0)