Ўзбекистонда Мустақиллик байрами муносабати билан 31 август ҳамда 1—3 сентябрь дам олиш кунлари этиб белгиланган. Бу кунларда автобуслар қандай жадвал асосида ҳаракатланиши маълум қилинди.
![](/static/2024/08/30/avtobus-yzDwigMd.jpg)
“Тошшаҳартрансхизмат” АЖ эълон қилган маълумотга кўра, автобус саройлари тасарруфидаги автобус йўналишларининг фаолияти дам олиш кунлари, яъни 31 август ва 1-, 2-, 3 сентябрь кунлари якшанба кунлари учун тасдиқланган жадваллар асосида ташкил этилади.
Байрам кунлари Тошкент метросининг иш тартиби
2024 йил 31 август ва 1 сентябрь кунларида метро поездлари ҳаракати одатий иш кунлари учун белгиланган жадвал асосида фаолият олиб боради. 2—3 сентябрь кунлари эса, метро поездлари дам олиш кунлари учун мўлжалланган жадвал асосида ҳаракатланади.
Эслатиб ўтамиз, ўзбекистонликлар Мустақиллик байрами муносабати билан кетма-кет 4 кун дам олади. 3 сентябрь, сешанба иш ҳафтасининг туридан қатъи назар, барча ходимлар учун қўшимча дам олиш куни этиб белгиланган. 1 сентябрь — Ўзбекистон мустақиллиги куни 2024 йилда якшанба — дам олиш кунларига тўғри келиши муносабати билан ушбу дам олиш куни 2 сентябрь, душанба кунига кўчирилади. 31 август, шанба — ҳафтасига 6 кун ишлайдиганлар учун қўшимча дам олиш куни, 5 кунликлар учун одатий дам олиш куни бўлади.
Мустақиллик байрами кунлари қандай об-ҳаво кузатилади?
Август ойининг охирги кунларида ва 1—3 сентябрь байрам кунларида Ўзбекистон ҳудуди бўйича қуруқ ва кам булутли об-ҳаво бўлиши кутилмоқда. Нисбатан салқин ҳавонинг кириб келиши баъзи жойларда шамол тезлиги 15-20 метр/секундгача кучайиши, айрим жойларда чанг-тўзон билан қайд этилади.
Изоҳ (0)