Ўзбекистон президенти Шавкат Мирзиёевнинг туғилган куни муносабати билан Владимир Путин ва Си Цзиньпин табрик йўллади.
Президент матбуот котибининг хабар қилишича, Россия президенти табрик мактубида Шавкат Мирзиёев раҳбарлигида Ўзбекистон ижтимоий ва иқтисодий соҳаларда салмоқли ютуқларга эришганини, жаҳон майдонида ўз мавқейини мустаҳкамлаганини қайд этган.
“Давлатларимиз ўртасидаги стратегик шериклик ва иттифоқчилик муносабатлари, барча йўналишларда самарали икки томонлама ҳамкорликни ривожлантиришга қўшган шахсий ҳиссангиз беқиёсдир.
Яқинда Тошкентда ўтган самарали музокараларимизни илиқ эслайман. Россия ва Ўзбекистоннинг дўст халқлари фаровонлиги йўлида конструктив мулоқотни ва яқин ҳамкорликни давом эттиришдан мамнунман. Сизга чин дилдан мустаҳкам соғлик, бахт-саодат, фаровонлик ва муваффақиятлар тилайман”, дейилади табрикда.
Си Цзиньпин эса ўз табригида Хитой—Ўзбекистон муносабатларини ривожлантиришга алоҳида эътибор қаратишини ва Шавкат Мирзиёев билан мустаҳкам дўстлигини қадрлашини таъкидлади.
“Сиз билан биргаликда барча соҳаларда ҳамкорликни ривожлантириш ва Хитой—Ўзбекистон муносабатларини янги босқичга олиб чиқиш бўйича саъй-ҳаракатларга тайёрман”, дейилади Хитой раиси табригида.
Президент матбуот котибининг хабар қилишича, Шавкат Мирзиёев таваллуд куни муносабати билан хорижий давлатлар, ҳукуматлар ва парламентлар, нуфузли халқаро ва минтақавий ташкилотлар раҳбарларидан қутловлар келиши давом этмоқда.
Изоҳ (0)