Kapitalbank Ўзбекистон ёшлари салоҳиятини қўллаб-қувватлаш ва ривожлантиришга қаратилган стратегик йўналишини изчил давом эттирмоқда. Банк фаолиятидаги устувор йўналишлардан бири – таълим, спорт ва касбий ўсиш соҳаларидаги лойиҳалар орқали ёшларнинг имкониятларини рўёбга чиқариш учун шароит яратишдир.
2025 йил май ойида Kapitalbank БМТнинг UNFPA ва UN Women жамғармалари кўмагида Вестминстер университетида бўлиб ўтган Ташкент International Модель United Nations (TIMUN) халқаро ёшлар конференциясининг ҳомийси сифатида иштирок этди. TIMUN – Марказий Осиёдаги энг йирик ёшлар дипломатияси майдончаси бўлиб, унда иштирокчилар етакчилик кўникмаларини ривожлантирадилар, глобал муаммоларни муҳокама қилиб, халқаро мулоқот олиб борадилар. Банкнинг HR ходимлари тадбирда фаол қатнашиб, “Be a banker” амалиёт дастури тақдимотини ўтказди, иштирок этиш учун аризаларни қабул қилди ҳамда Капитал Academy орқали маданий интеллект (CQ) ва нейротармоқлардан фойдаланиш бўйича тренинглар ташкил этди.
Шунингдек, июнь ойида Kapitalbank Ўзбекистон ва Қатар терма жамоалари ўртасида бўлиб ўтган FIFA саралаш босқичидаги ўйин трансляциясининг бош ҳамкори ва ҳамташкилотчиси сифатида иштирок этди. “Uzbekistan – Land оf Talents” ёшлар ҳаракати доирасида банк пойтахт аҳолиси ва меҳмонларига нафақат футбол байрамини, балки машҳур эстрада юлдузлари иштирокидаги концертни ҳам тақдим этди. Банк бундай ташаббусларда иштирок этишни Ўзбекистон ёш иқтидор эгалари салоҳиятини қўллаб-қувватлашга қаратилган ижтимоий ва кадрлар сиёсатининг ажралмас қисми деб ҳисоблайди.
Бугунги кунда Kapitalbank Ўзбекистондаги энг йирик иш берувчилардан бири бўлиб, халқаро Топ Эмплоер сертификатига эга бўлган биринчи миллий компания ҳисобланади. Сўнгги икки йил давомида банк томонидан 1 000 дан ортиқ янги иш ўрни яратилган бўлиб, уларнинг катта қисми айнан ёш мутахассислар учун мўлжалланган. Банк кадрлар захирасини шакллантириш, ходимларни ўқитиш ва илғор HR-амалиётларни жорий этишга алоҳида эътибор қаратмоқда.
“Kapitalbank фаолиятининг устувор йўналишларидан бири – юртимизнинг иқтидорли ёшларини қўллаб-қувватлаш ва ривожлантиришдир. Биз ижтимоий лойиҳаларда фаол иштирок этамиз, таълим ташаббусларини қўллаймиз ва ҳаваскорлик ҳамда профессионал спорт ривожига ҳисса қўшамиз. Бундай ташаббуслар орқали биз мамлакатимиз келажагини биргаликда бунёд этамиз”, дея таъкидлади АТБ “Kapitalbank” Кузатув кенгаши раиси Абдусамадов Максуд Абдувалиевич.
Kapitalbankънинг кадрлар сиёсати ёш мутахассислар билан узоқ муддатли ҳамкорликни ривожлантириш, барқарор келажакни шакллантирувчи ташаббусларни қўллаб-қувватлаш ва тенг имкониятлар принципларини илгари суришга қаратилган бўлиб, бу банкнинг ЭСГ-стратегиясининг муҳим қисми саналади. Банк ёшлар салоҳиятини юзага чиқаришга хизмат қилувчи лойиҳаларда фаол иштирок этишда давом этмоқда, бу эса Ўзбекистоннинг “талантлар юрти” сифатидаги мақомини мустаҳкамлаб боради.
Реклама ҳуқуқи асосида.
Изоҳ (0)