Чиройли костюмлар ва ажойиб махсус эффектлар катта маблағ талаб қилади. Шу сабабли кўплаб замонавий фильмлар ижодкорларга юз миллионлаб долларга тушмоқда.
“Форсаж 10” — 340 миллион доллар
Фильм карантин даврида суратга олинди. Шу боис жамоа хавфсизлик чораларини, яъни ниқоблар, қўлқоплар ва бошқа воситаларни бюджетга киритишга мажбур бўлди. “Форсаж”да кўплаб юлдузлар қатнашгани ва уларнинг гонорарлари ҳақида ҳам унутмаслик керак. Вин Дизельнинг ўзи бу фильмда 20 миллион доллар ишлаб олди.
“Индиана Жонс ва тақдир чархпалаги” — 295 миллион доллар
Ҳаррисон Форд, Мадс Миккелсен ва Антонио Бандерас — бундай суммани фақатгина ушбу уч исмни титрларда кўрсатиш учун тўлаш мумкин. Бироқ фильм яратувчиларининг омади чопди: уларнинг нафақат актёрларга, балки уларни ёшартирадиган технологияларга ҳам маблағлари етди. Аммо буларнинг барчаси фильмнинг кинопрокат даромадларини қоплай олишига ёрдам бермади.
“Уддалаб бўлмас топшириқ: ўлим жазоси. Биринчи қисм” — 290 миллион доллар
“Уддалаб бўлмас топшириқ” фильмлари туркумида барча маблағ Том Крузга тегмайди. Аммо 7-қисмдаги актёрнинг афсонавий трюки унга бир неча миллион келтирган. Шунга қарамай, махсус эффектлар, сувости тасвирлари ва жойлашувларни танлаш катта харажатларни талаб қилган.
“Оппоғой” — 270 миллион доллар
Disney томонидан яратилган мазкур эртак-фильм 21 март куни экранларга чиқади, бироқ якуний сумма ҳали ўзгариши мумкин. Фильм бюджети дастлабки 240 миллион доллардан ошиб кетди. Бунга мухлисларнинг танқидлари ва актриса Рейчел Зеглер атрофидаги жанжаллар туфайли фильмнинг қайта суратга олиниши сабаб бўлди.
“Галактика қўриқчилари. 3-қисм” — 250 миллион доллар
Marvel’нинг деярли ҳар бир лойиҳасида бюджет қаерга сарф бўлаётганини тушуниш учун махсус эффектларни кўриш кифоя. Бунинг устига, мухлислар севиб томоша қиладиган қаҳрамонлар гонорари ҳам арзон эмас. Бироқ Жеймс Ганнинг фикрича, “Галактика қўриқчилари” ҳақидаги сўнгги фильм учун 250 миллион доллар етмайди.
“Гладиатор 2” — 250 миллион доллар
Қадимги Римга саёҳат шунча пулга тушади, деб ким ўйлабди дейсиз? Фақат “Гладиатор 2” ижодкорлари Колизейнинг бир қисмини суратга олиш учун уни қайта яратди ва ҳақиқий каркидон-роботни йиғди.
“Фуриоса: Телба Макс йилномалари” — 230 миллион доллар
Мазкур фильм учун кўплаб автомобиллар махсус йиғилган — ҳатто улкан The Six Foot ҳам. Бир нечта машиналар ҳатто кимошди савдосида сотилади.
“Дедпул ва Росомаха” — 200 миллион доллар
“Дедпул ва Росомаха” ҳақида эшитганингизда биринчи навбатда ажойиб эпизодлар хаёлга келади. Дарҳақиқат, Крис Эванс, Блейк Лайвли, Меттю Макконаҳи ва бошқа актёрларнинг суратга олишдаги иштироки изсиз кетиши мумкин эмас эди. Бундан ташқари, продюсерлар бир нечта поп-ҳитлар ҳуқуқларини сотиб олишди.
Изоҳ (0)