Ўзбекистонда 2024 йил давомида 103 хизматига жами 2713 та ёлғон чақириқ келиб тушди деб хабар берди Соғлиқни сақлаш вазирлиги матбуот хизмати.
Маълум қилинишича, ушбу кўрсаткич 2023 йилга қараганда 792 тага камайган.
Таҳлиллар шуни кўрсатадики, 2024 йилнинг январь-декабрь ойларида энг кўп ёлғон чақириқ Самарқанд вилоятида кузатилиб, мазкур рақам 645 тани ташкил этди.
Кейинги ўринда Қашқадарё вилояти қайд этилди — 436 та. Шунингдек, Фарғона вилоятидан 259 та ана шундай мурожаат келиб тушган.
Энг кам ёлғон чақириқ эса Сирдарё вилоятида рўйхатга олинди — 17 та.
Изоҳ (0)