Дунёда илк бор аёл танасидан ташқарида етилган тухум ҳужайрадан бола туғилди (фото)

Дунёда биринчи бор аёл танасидан ташқарида уруғлантирилган тухум ҳужайрадан бола дунёга келди. Бу ҳақда Business Wirе хабар берди.

Бола Перуда тухум ҳужайрасининг аёл танасидан ташқарида етилишига имкон берувчи тухумдонларни қўллаб-қувватлаш технологияси (ОSC) ёрдамида дунёга келган. Fertilo деб номланган бу усул ЭКУнинг (сунъий уруғлантириш) янги тури ҳисобланади. Бунда 10-14 кун давом этадиган гормонал терапия талаб этилмайди.

Бунда ҳужайралар етилмаган тухум ҳужайралари билан бирга лаборатория шароитида етилади. 2023 йилда ўтказилган тадқиқот ушбу усул тухум ҳужайраларининг етилиши ва эмбрион ҳосил бўлишини сезиларли даражада яхшилашини кўрсатди. Fertilo технологиясида жараён оддий ЭКУдаги каби уч ҳафта эмас, балки уч кун давом этади.

Бундан ташқари, унда 80 фоизга камроқ гормонлар ишлатилади. Ҳозирда Fertilo АҚШда клиник синовлардан ўтмоқда, Перу, Австралия, Парагвай, Аргентина, Мексика ва Японияда ундан фойдаланишга рухсат берилган.

Бу ютуқ репродуктив тиббиётда тарихий босқични ифодалайди. Fertilo анъанавий ЭКУни кўтара олмайдиган ёки ўтказишни истамайдиган аёллар учун катта ютуқ бўлиб, кенг доирадаги беморлар учун умид ва янги имкониятлар яратади, дейди Pranor Labs&Science компаниясининг етакчи мутахассиси доктор Луис Гузм