Исроилнинг Иорданиядаги элчихонаси ёнида 24 ноябрь куни отишма юз берди, хавфсизлик хизматининг уч ходими яраланди. Бу ҳақда Reuters хабар берди.
-1DDe2GbW.jpg)
Маълум қилинишича, ярадорларга тиббий ёрдам кўрсатилмоқда. Ҳужум содир этган шахс Амман шаҳридаги Рабиа туманида полиция патрулини ўққа тутган. Ҳуқуқ-тартибот ходимлари жавоб ўти очиб, жиноятчини йўқ қилган.
Полиция отишма юз берган Рабиа туманини ўраб олган, элчихонага олиб борувчи йўллар ёпилган ва маҳаллий аҳоли хавфсизлик нуқтайи назаридан уйларидан чиқмасликка чақирилган. Хавфсизлик хизмати ходимлари ҳодисага алоқадор шахсларни қидирмоқда.
Исроил элчихонасига қилинган ҳужумлар
Ғазо секторида уруш бошланганидан сўнг, дунёнинг турли мамлакатларидаги Исроил дипломатик ваколатхоналарига бир неча марта ҳужумлар уюштирилди. Жумладан, октябрь ойида Дания ва Швецияда Исроил элчихоналари яқинида портлашлар ва отишмалар юз берди.
Сентябрь ойида Мюнхендаги Исроил бош консулхонаси атрофида отишма содир бўлди. Июнь ойида эса Белградда Исроил элчихонасини қўриқлаётган серб полициячисига бир киши арбалетдан ўқ узди.
Изоҳ (0)