31 ёшли америкалик Мел Плаканика исмли аёл қориндаги кучли оғриқлар ва қон кетиши туфайли шифокорларга мурожаат қилган. Текширувдан сўнг унинг бешта қўшимча органи борлиги аниқланди, дея хабар беради The Sun нашри.
Плаканиканинг айтишича, унинг ошқозонидаги оғриқлар чидаб бўлмас даражада бўлиб, мунтазам равишда қон кетиши кузатилган. Яна бир хуруждан сўнг онаси аёлни касалхонага олиб борган, сканерлаш пайтида бачадон яқинида ўсимта борлиги тахмин қилинган. Бироқ ушбу ташхис нотўғри бўлиб чиққан.
Кейинчалик жиддий ҳолатнинг сабабини топишга уринишлар кутилмаган кашфиётга олиб келган. Сканерлаш Плаканиканинг жами бешта қўшимча органи – иккита бачадони, тўртта тухумдони, иккита бачадон бўйни ва учта буйраги борлигини кўрсатган. Кўп ўтмай аёлнинг битта бачадони ва иккита тухумдони олиб ташланган ҳамда иккита бачадон бўйни ҳам биттага бирлаштирилган.
Шифокорлар, шунингдек, кучли қорин оғриғига сабаб бўлган эндометриозни ҳам аниқлаган.
Изоҳ (0)