Енгил вазн тоифасида UFC чемпиони Ислом Махачев 21-октябрь куни Абу-Дабида бўлиб ўтадиган UFC 294 мусобақасида октагонга кўтарилади.
Махачев ушбу мусобақада Чарльз Оливейрага қарши реванш жанги ўтказиши лозим эди. Бироқ, Оливейра жароҳат сабаб, турнирда иштирок этмайдиган бўлди. Унинг ўрнини Александр Волкановски эгаллайди.
ESPN бу алмашинувни тасдиқлади.
Чарльз Оливейра машғулотлар вақтида жароҳатланган. Унинг қоши ёрилиб кетган. Оливейра мухлислардан узр сўради.
Эслатиб ўтамиз, Махачев ва Волкановски UFC 284 да ўзаро тўқнаш келганди ва Ислом ҳакамлар қарорига кўра ғалаба қозонган эди.
Изоҳ (0)