Наманганнинг “Марказий” стадионида “Навбаҳор” Суперлига 2023 йилги мавсумининг илк турида “Қизилқум”ни қабул қилди ва 3:0 ҳисобида ғалаба қозонди.
Наманганликлар таркибида Жамшид Болтабоев, Игор Голбан ва Шоҳруз Норхонов ўз ҳисобига гол ёздириб қўйди.
“Дарё” мазкур учрашувдан фотогалереяни тақдим этади.
Футболчиларни “Навбаҳор”га қарши ўйинда босимга қарши туришга тайёрладик. Шогирдларим майдонда борини бериб ҳаракат қилди, аммо хатолар эвазига жазоландик. Ўйинда кўп ҳужум уюштира олмадик ва уларни охиригача етказа олмадик. Натижада гол уролмадик, — деди ўйиндан кейин Асрор Алиқулов.
“Навбаҳор” мухлисларини ғалаба билан табриклайман. Биз ишқибозлар учун ўйнаймиз. Доимо ғалаба ва хурсандчилик бўлсин. Мавсумнинг биринчи баҳси бўлгани туфайли футболчиларда ҳаяжон сезилди. Умуман олганда учрашув бошидан охиригача назорат бизнинг қўлимизда бўлди. Бу мавсумда оддий ўйинлар бўлмаслигини гувоҳи бўляпмиз, ҳар бир жамоа яхши селексияни амалга оширди, бу йилги чемпионат аввалгисиданда қизиқроқ бўлса керак, — дейди Самвел Бабаян.
Изоҳ (0)