Бугун,

  • USD 11095.31
  • RUB 173.84
  • EUR 10772.44

Алишер Навоий номидаги Киночилар уйида 3 декабрь, шанба куни футбол бўйича дунёдаги энг совриндор жамоа ҳисобланувчи «Матонат» ногирон-ампутантлар жамоаси ҳақидаги «Матонат. Машаққатли ғалаба» ҳужжатли фильм премьераси бўлиб ўтди.

Фото: Ўзбеккино миллий агентлиги матбуот хизмати

Фото: Ўзбеккино миллий агентлиги матбуот хизмати

Тадбирда иштирок этган «Матонат» ногирон-ампутантлар футболини ривожлантириш маркази раҳбари Рустам Раҳматович Меҳмонов қуйидаги фикрлари билан ўртоқлашди.

Фото: Ўзбеккино миллий агентлиги матбуот хизмати

Фото: Ўзбеккино миллий агентлиги матбуот хизмати

«Бу йигитлар матонат кўрсатишди. Улар қандай қилиб шу даражага чиқа олишди? Улар камчилиги бўлган тақдирда ҳам, ҳаётга, футболга ўз меҳрини берган ҳолда қўрқмасдан дунё майдонларида футбол ўйнаб келишяпти. Чунки улар футболни жуда севишади. Йигитлар Жиззахдан, Красногорскдан, Нурафшондан, Ғазалкент, Бўкадан машғулотларга келишади. Уларга қойил қолмасдан илож йўқ», — деди Меҳмонов.

Фото: Ўзбеккино миллий агентлиги матбуот хизмати

Фото: Ўзбеккино миллий агентлиги матбуот хизмати

Фото: Ўзбеккино миллий агентлиги матбуот хизмати

Фото: Ўзбеккино миллий агентлиги матбуот хизмати

«Матонат» футбол жамоаси 1988 йилда «Матонат Футбол» ногирон-ампутантлар футболини ривожлантириш маркази қошида ташкил этилди ва орадан икки йил ўтиб, 1990 йилда АҚШдаги жаҳон чемпионатида ғолиб чиқди. Шундан сўнг 1991 йил (Ўзбекистон), 2007 йил (Туркия), 2010 йил (Аргентина) ва 2012 йилларда (Россия) бўлиб ўтган жаҳон чемпионатларида ўзбекистонлик оддий йигитлар дунё аҳлини ўзига қаратиб, ғалабага эришди.

Бундан ташқари, клуб 1988 йилдаги жаҳон чемпионатида кумуш ва 2002 йил ҳамда 2022 йилларда бронза медалларини қўлга киритди. Ушбу йигитларнинг шарофати билан Ўзбекистон ногирон-ампутантлар футболи тарихидаги энг совриндор жамоага айланди.

Фото: Ўзбеккино миллий агентлиги матбуот хизмати

Фото: Ўзбеккино миллий агентлиги матбуот хизмати

Фото: Ўзбеккино миллий агентлиги матбуот хизмати

Фото: Ўзбеккино миллий агентлиги матбуот хизмати

Фильм режиссёри Комил Шарафиевнинг сўзларига кўра, фильм иштиёқ, мардлик ва ғалаба ҳақида ҳикоя қилади. Йигитларнинг жисмоний ҳолатига қарамай ишлаши, ҳаёт кечириши ва футбол ўйнаши суратга олиш жамоасини жуда ҳам илҳомлантирди.

Уларнинг бошидан ўтган ҳисларни, таассуротларини томошабинга етказишга ҳаракат қилинди. Бу ерда асосий ролни оператор Шухрат Хабибуллаев бажарди, унинг хизмати билан фильмда бадиий қарорлар камайтирилиб, табиийлик оширилди.

Фото: Ўзбеккино миллий агентлиги матбуот хизмати

Фото: Ўзбеккино миллий агентлиги матбуот хизмати

Ушбу фильмнинг ҳомийси ва унинг яратилишига InfinBANK катта ҳисса қўшди. Фильм — InfinBANK’нинг навбатдаги ижтимоий ташаббуси натижасида «Матонат» футбол клуби билан тузилган ҳамкорлик меморандумининг бир қисми бўлди.

Келишув доирасида ампутант-футболчилар ўртасида илк Ўзбекистон чемпионати «Мустақиллик Кубоги» ўтказилди ва энг муҳими, банкнинг ҳомийлиги остида Ўзбекистон терма жамоаси шу йилнинг октябрь ойида Туркияда ўтказилган жаҳон чемпионатида қатнашди ва бронза медалини қўлга киритди.

Изоҳ
Асосий янгиликлар
Дунё
Туркия Финляндия ва Швециянинг НАТОга кириш ҳақидаги аризаларни алоҳида-алоҳида кўриб чиқиши мумкин
Маҳаллий
Шавкат Мирзиёев Ислом Каримов ҳайкали пойига гул қўйди
Маҳаллий
Ўзбекистонда доллар курси пастлади