Бугун,

  • USD 11095.31
  • RUB 173.84
  • EUR 10772.44

Хитойнинг Гуанчжоу шаҳридаги камида етти туман маъмурияти норозилик намойишлари туфайли коронавирус чекловларини енгиллаштирди. Бу ҳақда Deutsche Welle хабар берди.

Фото: MSN

Фото: MSN

Чунсин ва Хайчжу шаҳарларида ҳам ковид чекловлари олиб ташланди. Мамлакат расмийлари коронавирусга чалинган баъзи одамларга уйда карантинни ўташга рухсат бермоқчи.

Таъкидланишича, оммавий ПЗР тести топшириш бекор қилинган. Энди бу тест фақат бемор билан алоқада бўлганлар учун ўтказилади. Мамлакатнинг коронавирусга қарши курашини назорат қилувчи Хитой бош вазири ўринбосари Сун Чунлан вируснинг касаллик келтириб чиқариш қобилияти пасаяётганини айтди.

«Мамлакат янги эпидемиянинг олдини олиш ва назорат қилиш муаммоларига дуч келмоқда, чунки омикрон вирусининг патогенлиги пасаймоқда. Кўпроқ одамлар эмланмоқда ва вирусни ‘ушлаб туришъда тажриба орттирмоқда», — дейди у.

18 миллиондан ортиқ аҳоли истиқомат қиладиган Гуанчжоуда бир неча ҳафта давомида қаттиқ карантин жорий этилганди, корхона ва фабрикалар иши тўхтатилган, касаллар ва улар билан алоқада бўлганлар учун қатъий карантин чоралари қўлланилган.

Хитойда коронавирус чекловларига қарши норозилик ҳаракатлари Шанхай, Ченду, Чунсин, Ухань ва Нанкин каби бошқа мегаполисларида ҳам бўлиб ўтган.  Одамлар «Карантинни бекор қилинг», «Си Цзиньпин истеъфога чиқсин, Коммунистик партия истеъфога чиқсин», «Шинжонни очинг, Хитойни очинг», «Бизга ПЗР тестлар керак эмас, бизга эркинлик керак» деган шиорлар ва талаблар билан чиққан. Уларнинг кўпчилиги мамлакатдаги цензурага қаршилик белгиси сифатида қўлларида оқ қоғозлар кўтариб олган.

Изоҳ
Асосий янгиликлар
Маҳаллий
Ўзбекистон энергетикаси: ортаётган талаб, тақчиллик ва кўрилаётган чоралар ҳақида
Дунё
Қирғизистонда 9 кишида “Цефтриаксон”га аллергик реакция кузатилди, бир киши вафот этди
Маҳаллий
Беш йилда 218 мингдан кўпроқ хонадон. Ўзбекистонда уй-жой муаммоси қандай ҳал этилмоқда?