АҚШ президенти Жо Байден Instagram ва Twitter саҳифаларига франциялик ҳамкасби Эммануэль Макрон билан музқаймоқ еяётгани акс этган суратни жойлади. Франция президенти давлат ташрифи билан Америкада бўлиб турибди.
29 ноябрь куни Макрон Вашингтонга тўрт кунлик давлат ташрифи билан келганди. Twitter’га жойланган суратда Байден Вашингтондаги Fiola Mare итальян ресторанида Макроннинг ёнида ўтириб, у билан музқаймоқхўрлик қилаётганини кўриш мумкин. Эътиборлиси, етакчиларнинг рафиқалари Жилл Байден ва Бриджит Макрон уларнинг қаршисида музқаймоқсиз ўтирибди.
Суратга «Шаҳарга хуш келибсиз, дўстлар» деган изоҳ илова қилинган.
Welcoming some friends to town. pic.twitter.com/n3rbqR98xB
— President Biden (@POTUS) December 1, 2022
Қайд этилганидек, Макрон Жо Байден президентлиги даврида АҚШга давлат ташрифи билан келган биринчи хорижий етакчи бўлди. 1 декабрь, пайшанба куни Франция раҳбари Оқ уйда махсус ҳарбий эҳтиром билан кутиб олинади.
Изоҳ (0)