ЖЧ—2022. Аргентина Польшани ишончли ҳисобда мағлуб этди, Мексика Саудия Арабистонини енгса-да, гуруҳда қолиб кетди
Футбол бўйича ЖЧ—2022 3-турида C гуруҳининг икки ўйини 30 ноябрь, чоршанба куни бўлиб ўтди.
Аргентина ва Польша ўзаро баҳс олиб борди. Учрашувнинг биринчи бўлимида Аргентина катта устунликка эришган бўлса-да, ҳисоб очилмади. Лионель Месси ўзи ишлаган пенальтини ноаниқ амалга оширди. Иккинчи бўлимни эса Жанубий Америка вакиллари гол билан бошлади. Алексис Мак Аллистер ҳисобни очди. 67-дақиқада эса Хулиан Альварес аргентиналикларнинг иккинчи голига муаллифлик қилди.
Гуруҳнинг иккинчи ўйинида эса Саудия Арабистони Мексикага қарши майдонга тушди. Учрашувнинг 47-дақиқасида Генри Мартин мексикаликларни ҳисобда олдинга олиб чиқди. 52-дақиқада эса Луис Чавес ҳисобни ишончли кўринишга олиб келди. Ўйин якунида эса ал-Досари саудияликлар сафида гол муаллифига айланди. Якунда 2:1 ҳисобида Мексика ғалаба қозонди.
Шу тариқа C гуруҳида Аргентина 6 очко билан 1-ўринни эгаллади. Польша 4 очко жамғарди ва 2-ўринда плей-офф босқичига чиқди. Мексикада ҳам 4 очко, бироқ тўплар нисбатига кўра Польшадан ортда қолди. Саудия Арабистони 3 очко билан гуруҳ аутсайдерига айланди.
ЖЧ—2022
3-тур баҳси
30 ноябрь, чоршанба
Польша — Аргентина 0:2
Голлар: 0:1 – 46 Мак Аллистер, 0:2 – 67 Альварес.Польша: Шенсни, Кеш, Глик, Кивер, Берешински (Энжейчик, 72), Зелиньски, Франковски (Камински, 46), Криховяк (Пентек, 83), Белик (Шимански, 62), Левандовски, Свидерски (Скурас, 46).
Аргентина: Мартинес, Molina, Отаменди, Ромеро, Акуня (Тальяфико, 59), Де Пауль, Мак Аллистер (Алмада, 84), Фернандес (Песселя, 79), Ди Мария (Паредес, 59), Месси, Альварес (Мартинес, 79).
Огоҳлантиришлар: Акуня (49), Криховяк (78).
Саудия Арабистони — Мексика 1:2
Голлар: 0:1 – 47 Мартин, 0:2 – 52 Чавес, 1:2 – 90 Ал-Досари.Саудия Арабистони – Ал-Овайс, Ал-Ганам (Баҳебри, 88), Томбакти, Ал-Амри, Ал-Булайҳи (Шараҳили, 37), Абделҳамид, Ал-Досари, Ал-Ҳассан (Маду, 46), Канно, Ал-Брейкан, Ал-Шеҳри (Ал-Обод, 62).
Мексика: Очоа, Санчес (Альварес, 86), Морено, Монтес, Гальярдо, Чавес, Пинеда (Родригес, 77), Альварес (Фунес Мори, 86), Лосано, Мартин (Хименес, 77), Вега (Антуна, 46).
Огоҳлантиришлар: Альварес (16), Ал-Шеҳри (28), Ал-Ҳассан (34), Томбакти (52), Маду (81), Ал-Амри (90), Баҳебри (90).
