Расман: Нейт Диас UFC’ни тарк этди

Америкалик яккакурашчи Нейт Диас UFC промоушенини тарк этди.

UFC’да Диас билан эксклюзив музокаралар олиб бориш учун уч ойлик вақт бўлган. Ушбу музокаралар 9 декабрь куни ўз якунига етиши лозим эди. Промоушен Нейт жамоасини музокара ўтказмаслиги ҳақида огоҳлантирди ва америкалик спортчи эркин агентга айланди.

«Нейт эҳтимолий энг катта жангларни танлайди, лекин у ҳамон Конор Макгрегор билан трилогияни якунлаш ҳақида ўйламоқда.

2023 йилда Нейтнинг бир нечта жангини, жумладан, уни боксда ҳам кўрасиз», — дейди менежер Зак Розенфилд.

Нейт сўнгги жангини UFC 279 мусобақаси доирасида ўтказиб,Тони Фергюсонни мағлубиятга учратди.