Бугун,

  • USD 11095.31
  • RUB 173.84
  • EUR 10772.44

Ҳатто буюк актёрларда ҳам ёмон роллар бор. Кимдир ноодатий ролларни ўз зиммасига олади, аммо бардош бера олмайди, кимдир саёз сценарий кўринишидаги тўсиқни енгиб ўтолмайди. Қуйида буни ўз тажрибасидан англаб етган юлдузлар ҳақида ўқиб, ҳеч ким муваффақиятсизликлардан ҳимояланмаганига яна бир бор амин бўласиз.

Кейт Уинслет — «Дивергент 2-мавсум: исёнчи»

Фото: AdMe

Фото: AdMe

Ушбу ўсмирлар ҳақидаги фильмида кўплаб киноюлдузлар рол ўйнаган. Аммо ҳатто истеъдодли актёрлар ҳам бирор нарса билан шуғулланиши керак, акс ҳолда улар суратга олиш майдончасида шунчаки зерикиб қолишади. Жанинни ўйнаган Кейт Уинслет билан ҳам шундай бўлди. У зерикканини яширишга ҳам уринмади. Баъзилар ҳатто бу унинг биринчи муваффақиятсиз роли деб ҳисоблашади.

Ал Пачино – «Ёлғондан ҳам ёмони»

Фото: AdMe

Фото: AdMe

Ушбу фильм Пачинонинг энг ёмон ишлари рўйхатига киритилган. Томошабинлар актёрнинг ҳеч қандай куч сарфламаганини ва шунчаки гонорарни қуртдек санаб олган деган фикрда. Фильмдаги актёрлар гуруҳи ҳам жуда хотиржам ва ҳиссиётсиз эди.

Мерил Стрип — «Рикки ва Флеш»

Фото: AdMe

Фото: AdMe

Мерил Стрипнинг мазкур фильмдаги иштироки актрисанинг ҳар қандай ролни қойилмақом ўйнашига ишончи комил бўлган мухлисларининг эътиборини тортди. Аммо томошабинларнинг фикрига кўра, Мерил рок юлдузи образини ишонарли ўйнамаган.

Уларнинг таъкидлашича, бир нечта актёрлар бу ролни ўйнай олиши мумкин эди, аммо Стрип улардан бири эмас. У ролига мослашолмаган ва жуда ишончсиз ижро этган.

Том Хенкс — «Элвис»

Фото: AdMe

Фото: AdMe

Ушбу фильмда Том Хенкс ёвуз қаҳрамон ролини ўйнайди ва унинг иши танқидчилар томонидан юқори баҳоланмади. Улар актёрнинг қиёфасини фалокат, қаҳрамоннинг ўзини эса чидаб бўлмас деб аташди.

Кейт Бланшетт – «Даҳшатлар хиёбони»

Фото: AdMe

Фото: AdMe

Кате фильмда муҳим рол ўйнади, лекин, афсуски, у томошабинларни ҳайратда қолдира олмади. Баъзи шарҳларда қаҳрамоннинг ўзида маҳорат йўқлиги ва актрисанинг бу борада қўлидан ҳеч нарса келмагани таъкидланган.

Рассел Кроу — «Мўмиё»

Фото: AdMe

Фото: AdMe

Фильм нафақат сюжети, балки тажрибали актёрлар, жумладан, доктор Жекил образида пайдо бўлган Рассел Кроу ижоди билан ҳам кўпчиликнинг ҳафсаласини пир бўлди. Томошабинларнинг фикрига кўра, у шунчаки ўзини ўйнаган ва зерикканини намойиш қилган.

Эҳтимол, бу ёмон сценарий туфайлидир. Фильм давомида Кроу қаҳрамони сюжетга ёки персонажнинг ҳикоясига ҳеч қандай таъсир кўрсата олмаган шиддатли диалогли кўплаб саҳналарда кўриниш беради.

Кира Найтли – «Бекҳэм каби ўйна»

Фото: AdMe

Фото: AdMe

Ёш футболчи ролини деб Кира танқидлар остида қолди. Шарҳларда унинг ҳақиқий актрисадан кўра кўпроқ моделга ўхшаб кетганини ёзишган. Йиллар ўтиб, Найтли айбловларга изоҳ сифатида муваффақиятсизлик сабаби унинг тажрибасизлигида эканини айтди. У ҳатто актёрлик мактабига ҳам бормаган эди.

Никол Кидман « Степфорд аёллари»

Фото: AdMe

Фото: AdMe

Худди шу номдаги картина ремейки жуда юқори баҳоланмади, ҳатто Никол Кидманнинг иштироки ҳам томошабинлар назарида фильм муваффақиятини таъминлай олмаган. Улардан баъзилари таъкидлаганидек, Кидман қаҳрамонига меҳрини бера олмаган. Бошқалар шунчаки қаҳрамоннинг ўзини зерикарли деб топди.

Натали Портман — «Тор»

Фото: AdMe

Фото: AdMe

Натали «Тор» фильмидаги Жейн Фостер ролини ижро этиши билан кўплаб мухлисларнинг ҳафсаласини пир қилди. Актриса уларга зерикарли туюлди. Бироқ баъзилар Портманни ҳимоя қилиб, айбни фильм режиссёрига тўнкашди. Яхши режиссёр остида ишлаганида, Натали ажойиб ижрони тақдим этган бўларди.

Изоҳ
Asosiy yangiliklar
Дунё
Украина 2 та аэродромга дронлар билан зарба беришга уринди — Россия Мудофаа вазирлиги
Маҳаллий
Ўзбекистонда ноябрь ойида қанча чақалоқ туғилгани маълум бўлди
Маҳаллий
«Меҳнати кўп бўлса-да, маоши кам, олган пули ҳалол бўлсин». Жамоатчилик электр монтёрларни олқишламоқда