Футбол бўйича Англия Премер Лигасининг 9-турида «Манчестер Сити» ва «Манчестер Юнайтед» жамоалари 2 октябрь, якшанба куни ўзаро тўқнаш келди.
Учрашув бошидаёқ «шаҳарликлар» олдинга ўтиб олди: Фил Фоденнинг аниқ зарбасидан кейин ҳисоб очилди. 34 ва 37-дақиқаларда Эрлинг Ҳоланд иккита гол урган ҳолда ҳисобни йирик кўринишга олиб келди.
Биринчи бўлим сўнгида Фоден ҳам дублни расмийлаштирди. Иккинчи бўлим дебютида Антони узоқ масофадан аниқ зарба йўллаб, «қизил иблислар»нинг ўйиндаги дастлабки голига муаллиф бўлди.
64-дақиқада Ҳоланд ўзининг учинчи, жамоасининг бешинчи тўпини киритди. 72-дақиқада Фоден ҳет-трик қайд этди. 84-дақиқада Антони Марсьяль ҳисобни 6:2 кўринишига келтирди. Ўйин якунланиши арафасида Марсьяль пенальтидан унумли фойдаланиб, якуний ҳисобни ўрнатди — 6:3.
«Манчестер Сити» ушбу ғалабадан кейин очколарини 20 тага етказиб олди ва пешқадам «Арсенал»дан бир очко ортга қолган ҳолда, иккинчи ўринни эгаллаб турибди. «Манчестер Юнайтед» эса 12 очко билан 6-поғонада турибди.
АПЛ
9-тур баҳси
2 октябрь, якшанба
«Манчестер Сити» — «Манчестер Юнайтед» 6:3
Голлар: 1:0 – 8 Фоден, 2:0 – 34 Ҳоланд, 3:0 – 37 Ҳоланд, 4:0 – 44 Фоден, 4:1 – 56 Антони, 5:1 – 64 Ҳоланд, 6:1 – 72 Фоден, 6:2 – 84 Марсьяль, 6:3 – 90, пенальти Марсьяль.«Манчестер Сити»: Эдерсон, Уокер (Серхио Гомес, 41), Аке, Аканжи, Жоау Канселу, Гундўған (Ляпорт, 75), де Брюйне (Альварес, 75), Бернарду Сильва, Грилиш (Палмер, 75), Фоден (Маҳрез, 75), Ҳоланд.
«Манчестер Юнайтед»: Де Хеа, Диогу Далот, Варан (Линдельоф, 40), Мартинес, Маласиа (Шоу, 46), Эриксен, Бруну Фернандеш, Мактоминей (Каземиро, 59), Рэшфорд (Марсьяль, 59), Санчо (Фред, 70), Антони.
Огоҳлантиришлар: Диогу Далот (2), Маласиа (23), Бруну Фернандеш (80).
Изоҳ (0)