«Рома» Италия чемпионатининг 8-турида «Интер»ни 2:1 ҳисобида мағлубиятга учратди.
Римликлар 2017 йилнинг 26 февралидан бери илк бор «Интер»ни мағлуб этишга муваффақ бўлди. Бу вақт ичида «Рома» қаторасига 11 ўйинда миланликларни мағлуб этолмаганди.
«Бўрилар»нинг биринчи голига муаллифлик қилган Пауло Дибала «Интер»га қарши сўнгги бешта ўйиннинг тўрттасида тўп киритишга муваффақ бўлди. Унга қадар аргентиналик «Интер»га кетма-кет 10 та ўйинда гол уролмаганди.
«Интер» Италия чемпионатида кетма-кет икки ўйинни бой берди. Сўнгги олти ўйинда «Интер» тўртта мағлубият қайд этди. Симоне Инзаги шогирдларининг кейинги рақиби «Барселона» бўлади.
«Интер» А Серия жорий мавсумидаги 8 ўйиндан тўрттасини бой берди. Бунақаси 2011/12 йилги мавсумдан бери кузатилмаганди.
Изоҳ (0)