Бугун,

  • USD 11095.31
  • RUB 173.84
  • EUR 10772.44

Шу йилнинг май ойида Германия канцлери Олаф Шольц Украинага нафақат қурол-яроғ, балки разведка маълумотларидан иборат махфий ахборотни тақдим этишни ҳам маъқуллаган. Бу ҳақда Зеит журнали ва АРД Контрасте журналининг қўшма суриштирувида айтилади.

Фото: DPA

Фото: DPA

Украинага ҳарбий мақсадларда ишлатилиши мумкин бўлган разведка маълумотларини тақдим этиш ҳақидаги қарорни Шольц Германия Федерал разведка хизматининг тегишли мурожаатидан кейин қабул қилган. Суриштирувда айтилишича, Киевга май ойидан буён сунъий йўлдошдан олинган тасвирлар, «тутиб олинган» радио ва телефон хабарлари узатилиб келинмоқда.

Ўша ойдаёқ разведка «Украинага мақсадли ахборот тақдим этилишининг юридик жиҳатдан мақбуллиги» юзасидан текширув ўтказилишини сўради. Якунда бундай маълумотларнинг узатилиши Германиянинг урушга қўшилганини билдирмайди ва халқаро ҳуқуққа мувофиқ келади, деган хулосага келинди.

АҚШ ҳам Украинага разведка маълумотларини тақдим этади

Апрель ойида АҚШ мудофаа вазири Ллойд Остин биринчи марта Пентагон Украина қуролли кучларига Донбассда жанговар ҳаракатлар олиб бориш учун разведка маълумотларини тақдим этишини тасдиқлаган эди.

Кейинроқ Америка разведкаси Украинани Россия армияси қўмондонлик пунктларининг ҳаракати тўғрисидаги маълумотлар билан таъминлаётгани маълум бўлди. Ушбу разведка маълумотлари Украинага Россия армиясининг штаб-квартирасига зарба йўллашга имкон берган, бу эса, тасдиқланмаган маълумотларга кўра, 12 нафар россиялик генералнинг ўлимига сабаб бўлган.

Кремль эса Ғарбнинг Украинага юбораётган разведка маълумотлари Россиянинг махсус операциядаги мақсадларига эришишига тўсқинлик қилмаслигини билдирди.

Изоҳ
Asosiy yangiliklar
Маҳаллий
Наманганда ижтимоий тармоқларда сўкинган аудиоси тарқалган туман ҳокимига ҳайфсан берилди
Маҳаллий
Туркиянинг TRT канали Лувр музейидан Катта Лангар Қуръони намойишига оид репортаж тайёрлади (видео)
Маҳаллий
Ковиднинг янги варианти болалар ва ҳомиладорларда қандай кечмоқда?