Бугун,

  • USD 11095.31
  • RUB 173.84
  • EUR 10772.44

Қозоғистон парламенти қуйи палатаси депутати Ойгул Куспан «Қозоғистоннинг сирпанчиқ йўли» ҳақида гапирган Россия Давлат думасининг МДҲ ишлари бўйича қўмитаси раисининг биринчи ўринбосари Константин Затулиннинг таҳдидларига изоҳ берди.

Фото: Tengrinews

Фото: Tengrinews

Затулин Қозоғистон АҚШ ва Европа Иттифоқининг иккиламчи санкцияларидан қўрқиб, МИР карталарини қабул қилишдан бош тортгани, Россия юк машиналарини чегарада ушлаб туришни ва ҳоказо тақиқларни бошлагани, буларнинг барчасини дўстона позиция деб бўлмаслигини айтган эди. «МК» нашрига берган интервьюсида у Россия бунга албатта муносабат билдиришидан огоҳлантирган ва Қозоғистон Хитойнинг ёрдамига беҳуда умид қилаётганини таъкидлаган. Затулиннинг сўзларига кўра, Хитой Россия томонида ва Россияга душман ҳаракатларни қўллаб-қувватламайди.

Ойгул Куспан ўзининг Facebook’даги саҳифасида Затулин каби одамлар туфайли «яқин хориждаги дўст Россия қиёфаси тажовузкорлик, такаббурлик ва жаҳолат сўзлари билан ёнма-ён таърифланади», деб ёзган.

Қисман сафарбарлик эълон қилингандан кейинги биринчи кунда Қозоғистонга 10 мингга яқин россиялик келди. На ҳокимият, на халқ уларга ҳеч қандай тўсиқ қўймаяпти. Бу бизнинг мамлакатимизда русофобия йўқлигидан далолат беради. Депутат Затулин, негадир, буни сезмаяпти, аксинча мамлакатимиз ҳукуматини Россияга садоқат кўрсатиш, лекин Қозоғистон халқи манфаатларига жиддий зарар етказиш учун Қозоғистон иқтисодиётини Ғарбнинг иккиламчи санкциялари остида қолдиришга чақирмоқда. Ёдимда, жорий йилнинг июнь ойида депутат Затулин Қозоғистонга диққат қаратишга чақириб, Украина мисолида бўлгани каби ҳамма нарса бўлиши мумкинлигига ишора қилганди, — дея қўшимча қилди депутат.

Изоҳ
Асосий янгиликлар
Дунё
Пабло Эскобар буйруғи билан портлатилган Boeing, «Невский экспресс» поездидаги теракт ва совет ҳукуматига қарши бошланган Слуцк қўзғолони. Кун хронологиясида 27 но...
Маҳаллий
Ўзбекистонда 175 кишининг паспортига IMEI кодлари ноқонуний рўйхатдан ўтказилгани аниқланди
Маҳаллий
Уй-рўзғор ишлари аёлларнинг иқтисодий фаоллигини туширади: Ўзбек аёлининг мартабага эришиш имкониятлари таҳлил қилинди