«Барселона» Лионель Месси билан музокараларга оид маълумотлар тарқалгани бўйича баёнот берди.
Клуб El Mundo нашрида чиққан «‘Барселона’. Клубнинг махфий маълумотлари, биринчи қисм» сарлавҳаси остида чоп этилган мақолага нисбатан ўз норозилигини билдиради. Суд жараёнининг бир қисми сифатида кўриб чиқилаётган маълумотлар қасддан сиздирилган. Клуб ушбу маълумотлар ҳали расман эълон қилинмаган бўлса-да, юқорида номи тилга олинган ОАВ «Барсагейт терговининг бир қисми бўлган жуда кўп ҳужжатлар ва электрон почта хабарларига кириш» билан мақтанаётганидан афсусда.Аввалроқ Месси «кўк-анорранглилар»дан 2020 йилда шартнома имзолаганлик учун 10 миллион евро бонус, пандемия даврида маошлар қисқаргани учун компенсация ва товон пулини 10 минг евро бўлишини сўрагани, шунингдек, ўз оиласи ва Луис Суареснинг оиласи учун «Камп Ноу»дан шахсий ложа ва Рождество арафасида оиласи билан Аргентинага учиши учун чартер рейс талаб қилгани ҳақидаги маълумотлар тарқалгани хабар қилинганди.Ушбу мақолада чоп этилган маълумотларнинг суд жараёнига ҳеч қандай алоқаси йўқ. Улардан фойдаланиш клубнинг обрўси ва махфий маълумотларига путур етказишга қаратилган.
«Барселона»нинг ҳуқуқларини ҳимоя қилиш мақсадида юридик бўлим бу вазиятда қандай чоралар кўриши мумкинлигини ўрганмоқда.
«Барселона» баёноти
Ўша вақтдаги «Барселона» президенти Хосеп Бартомеу Леонинг талабларини қабул қилган, бироқ 700 миллионлик товон пулини 10 минг еврога тушириш талабини бажармаган. Шунингдек, клуб молиявий аҳволи яхшилангандан сўнг 10 миллион евро бонус пулини тўлаб беришини ваъда қилган.
Худди шу келишмовчиликлар туфайли томонлар музокарани давом эттиролмаган ва Месси ўзини трансферга қўйишларини сўраган.
Изоҳ (0)