Микель Артета «Арсенал» мураббийи сифатида АПЛда Арсен Венгердан кейин иккинчи натижани қайд этди

«Арсенал» Англия Премьер Лигасининг 1-турида «Кристал Пэлас» устидан 2:0 ҳисобида ғалаба қозонди.

Микель Артета «канонирлар» устози сифатида АПЛдаги 98-ўйинини ўтказди. Мутахассис «Арсенал» билан Премьер Лигада 50-ғалабасини нишонлади.

Фақатгина Арсен Венгер лондонликлар бош мураббийи сифатида Англия чемпионатида Артетадан тезроқ 50 та ғалаба қайд этган. Венгер юбилей ғолибликни нишонлаши учун 94 та ўйин кифоя қилган.