Бугун,

  • USD 10940.05
  • RUB 182.26
  • EUR 11121.65

АҚШ Давлат котиби Энтони Блинкен, Австралия ташқи ишлар вазири Пенни Вонг ва Япония ташқи ишлар вазири Ёсимаса Хаяши АҚШ Вакиллар палатаси спикери Нэнси Пелосининг Тайванга ташрифи муносабати билан Хитой томонидан амалга оширилаётган ҳаракатлардан хавотир билдирди ва Пекинни ҳарбий манёврларни зудлик билан тўхтатишга чақирди. Бу ҳақда ташқи ишлар идоралари раҳбарларининг Камбожадаги АSEAН саммити доирасидаги музокаралар якунлари бўйича қўшма баёнотида айтилади, деб хабар бермоқда «РБК» нашри.

Фото: «ИА Красная Весна»

Давлат котиби ва вазирлар Тайван бўғозида тинчлик ва барқарорликни сақлашга содиқ эканини яна бир бор тасдиқлади. Улар Хитойнинг сўнгги ҳаракатлари, жумладан, халқаро тинчлик ва барқарорликка жиддий таъсир кўрсатаётган кенг кўламли ҳарбий машқларидан хавотирини билдирди. Давлат котиби ва вазирлар ХХРни ҳарбий машғулотларни зудлик билан тўхтатишга чақирди, — дейилади баёнотда.
Шу билан биргаликда, АҚШ ҳарбий қўмондонлиги вакиллари Тайван атрофида кескинлик авж олган бир пайтда хитойлик ҳамкасблари билан бир неча бор боғланишга уринган, бироқ улар қўнғироқларга жавоб бермасликда давом этмоқда.

Мавзуга доир: Тайван Ташқи ишлар вазирлиги Хитойни провокацион машғулотлар қилишда айблади

Изоҳ
Асосий янгиликлар