Ўзбекистон банк ассоциациясининг 15-банклараро спартакиадаси доирасида мини-футбол бўйича мусобақалар бўлиб ўтди. Деярли бир ой давомида 20 дан зиёд тижорий банк терма жамоалари ушбу спорт турида биринчиликни қўлга киритиш ҳуқуқи учун курашишди ва ниҳоят, ғолиблик шоҳсупасидан InfinBANK жой олди.
Ғалабага эришиш осон бўлмади – ушбу чемпионат ўтказилаётганидан буён банк илк маротаба мана шундай ютуқни қўлга киритмоқда. Терма жамоа аъзолари орасида ғалаба учун 10 йилдан буён ҳаракат қилаётганлар бор. Айтиш жоизки, жамоага Зангиота тумани, Андижон, Навоий, Бухоро шаҳарлари, шаҳар бошқаруви, оператив бошқарув каби турли филиаллардан мутахассислар жалб этилди. Мусобақанинг адолатли ва тенг шартларини таъминлаш учун спартакиада ташкилотчилари қатъий талаб қўйишди: жамоада ҳеч қандай профессионал ўйинчилар бўлмаслиги, жамоа аъзоси сифатида эса ишга 2021 йил 31 декабрга қадар қабул қилинган ходимлар қатнашиши белгиланди.
Бу шароитда ўйинчилар фақат ўз кучига ишониши мумкинлиги кундек равшан. Бутун бўш вақти ва барча дам олиш кунларини InfinBANK машғулотларда ўтказди. Бир жойда ўтириб, интеллектуал меҳнат билан шуғулланадиган одамлар, оғир иш кунидан сўнг қатъий офис дресс-кодини спорт кийимига алмаштириб, жамоа капитани Шерзод Жанизаков бошчилигида футбол майдонига отланишар эди. Жараённи бунинг учун махсус таклиф қилинган футболчи Азиз Маматов — Ista Futsal League 2022’нинг энг яхши ўйинчиси бошқарди.
«InfinBANK жамоасини олдин ҳам футбол матчларида кўрганман, айрим ўйинчилар билан шахсан таниш эдик. Шунинг учун улар билан мураббий сифатида ишлашни таклиф қилишганда, ҳеч иккиланмай рози бўлдим. Машғулотларни майда бошладик ва уларнинг ҳар бирида болалар яхши ҳаракат қилишди. Ягона қийинчилик барчани ўз вақтида бир жойга тўплаш эди, чунки иш банк ходимларида ҳар қандай вазиятда биринчи ўринда туради. Ўз ғалабаси билан улар сифатли тайёргарлик ва уюшган жамоа ўйини қанчалик муҳим эканлигини исботлашди, мен эса ўз навбатида, InfinBANK’га шогирдларимнинг интизоми, олинган тажриба ва эришилган ғалабага ҳисса қўшиш имконияти учун миннатдорлик билдираман», — деб табассум билан эслайди Азиз Маматов.
Гуруҳ босқичида InfinBANK рақиблар устидан ишончли ғалабаларга эришди. Фақат бир маротаба ўйин дуранг билан якунланди — бу Orient Finans Bank жамоаси билан учрашувда юз берди. Вазият тақозоси билан худди шу терма жамоалар финалда ҳам ғалаба учун курашди, аммо бу гал InfinBANK етакчилигини исботлади – асосий ўйин инфинчилар фойдасига 3:0 ҳисоби билан якун топди.
«InfinBANK корпоратив маданиятида спорт анъаналари алоҳида ўрин тутади. Банк ўз ходимларининг ҳаваскорлар футзал лигасида иштирок этишини рағбатлантириш билан бирга, турли спорт ташаббуслари ва ташкилотларига ҳам ҳомийлик қилади. Ўтган йили InfinBANK Ўзбекистон поло федерациясига ва илк марта ногирон-ампутантлар футболини ривожлантириш маркази ‘Матонат футбол’га ҳомийлик қилди. Бу йил ҳомийлик тобора кенгайиб бормоқда. Бўлиб ўтган чемпионатдаги ғалабага келсак, буни осон деб бўлмайди. Бизда муносиб рақиблар бор эди. Бироқ йигитлар ғалаба қозониш ва уни InfinBANK’нинг 15 йиллигига бағишлаш учун бор имкониятларини ишга солишди», — дейди жамоа сардори Шерзод Жанизаков.
Реклама ҳуқуқи асосида.
Изоҳ (0)