«Барселона» президенти Хоан Лапорта Криштиану Роналдунинг эҳтимолий трансфери ҳақида гапирди.
Португалиялик футболчининг агенти Жорже Мендеш «кўк-анорранглилар» раҳбари билан учрашиб, вазиятни муҳокама қилган.
«Мен аниқ бир футболчи ҳақида гапирмайман, бу ‘Барселона’ манфаатларига тўғри келмайди.
Ҳақиқатан ҳам Мендеш билан учрашдим. У турли ўйинчиларнинг агенти ҳисобланади, шунинг учун у билан суҳбатлашиш ва бозорда нималар бўлаётганини тушуниш ҳар доим ажойиб», — дейди Лапорта.
Аввалроқ Криштиану Роналду «Манчестер Юнайтед»нинг 3-кунги машғулотларини ҳам ўтказиб юборганлиги хабар қилинганди. Футболчи келажаги борасида аниқ қарор қабул қилгани йўқ.