Бугун,

  • USD 11095.31
  • RUB 173.84
  • EUR 10772.44

АҚШ Конгрессининг Вакиллар палатаси Украинага қўшимча ёрдам сифатида 40 миллиард доллардан ортиқ маблағ ажратиш ҳақидаги қонун лойиҳасини маъқуллади. Бу ҳақда Reuters хабар берди.

Фото: Reuters

Фото: Reuters

АҚШ Конгрессининг Вакиллар палатаси Украинага қўшимча ёрдам сифатида 40 миллиард доллардан ортиқ маблағ ажратиш ҳақидаги қонун лойиҳасини маъқуллади. Овоз беришда 368 конгрессмен қатнашган ва улардан 57 нафари қарши овоз берган. Украинага ёрдам кўрсатиш бўйича овоз бериш яқин орада Сенатда ўтказилиши кутилмоқда.

Президент Жо Байден икки ҳафта олдин Конгрессдан Украинага 33 миллиард долларлик қўшимча ёрдам кўрсатишни маъқуллашни сўраган, бироқ қонунчилар ҳарбий ва гуманитар молиялаштиришни оширишга қарор қилишган.

Байден Конгрессни Украинадаги мавжуд ёрдам тугашидан олдин қонун лойиҳасини имзолаш учун тезда ҳаракат қилишга чақирди, бу молиялаштириш май ойи охирида тугайди.

Республикачи сенатор, Халқаро алоқалар қўмитаси аъзоси, Украинанинг Сенатдаги фракцияси раҳбари Роб Портман қонун лойиҳаси Сенатдан ўтиши учун республикачиларнинг етарлича қўллаб-қувватлашини кутаётганини айтди.

Украинага ёрдам пакети қуйидагиларни ўз ичига олади:

  • 6 миллиард доллар хавфсизлик ёрдами, жумладан, тренинглар, жиҳозлар, қуроллар ва ёрдам;
  • Украинага юборилган АҚШ ускуналари захираларини тўлдириш учун 8,7 миллиард доллар;
  • Европа қўмондонлиги операциялари учун 3,9 миллиард доллар;
  • конгресс рухсатисиз товар ва хизматлар трансферини молиялаштиршга президент ваколати учун 11 миллиард доллар (Байден 5 миллиард доллар сўраган);
  • Украина ва инқироздан жабр кўрган бошқа мамлакатларни қўллаб-қувватлаш учун 4 миллиард доллар ҳарбий маблағ;
  • кожаролар туфайли глобал озиқ-овқат хавфсизлигини бартараф этиш учун 5 миллиард доллар;
  • Украинани иқтисодий қўллаб-қувватлаш фонди учун қарийб 9 миллиард доллар;

Аввалроқ Байден АҚШ конгрессидан Украинани қўллаб-қувватлаш учун 33 млрд доллар ажратишни сўрагани ҳақида хабар берилган эди.

Изоҳ
Асосий янгиликлар
Маҳаллий
Ҳуқуқ фаоли Нукус воқеаларида гумонланаётганлар қийноққа солинмаганини айтмоқда
Дунё
«Дарё» кундалигида 30 ноябрда содир бўлган энг муҳим воқеалар
Маҳаллий
Контрабанда сигареталар кўпроқ қайси вилоятлар чегараларидан олиб ўтилмоқда? Божхоначи жавоб берди