AQSH Kongressining Vakillar palatasi Ukrainaga qo‘shimcha yordam sifatida 40 milliard dollardan ortiq mablag‘ ajratish haqidagi qonun loyihasini ma’qulladi. Bu haqda Reuters xabar berdi.
AQSH Kongressining Vakillar palatasi Ukrainaga qo‘shimcha yordam sifatida 40 milliard dollardan ortiq mablag‘ ajratish haqidagi qonun loyihasini ma’qulladi. Ovoz berishda 368 kongressmen qatnashgan va ulardan 57 nafari qarshi ovoz bergan. Ukrainaga yordam ko‘rsatish bo‘yicha ovoz berish yaqin orada Senatda o‘tkazilishi kutilmoqda.
Prezident Jo Bayden ikki hafta oldin Kongressdan Ukrainaga 33 milliard dollarlik qo‘shimcha yordam ko‘rsatishni ma’qullashni so‘ragan, biroq qonunchilar harbiy va gumanitar moliyalashtirishni oshirishga qaror qilishgan.
Bayden Kongressni Ukrainadagi mavjud yordam tugashidan oldin qonun loyihasini imzolash uchun tezda harakat qilishga chaqirdi, bu moliyalashtirish may oyi oxirida tugaydi.
Respublikachi senator, Xalqaro aloqalar qo‘mitasi a’zosi, Ukrainaning Senatdagi fraksiyasi rahbari Rob Portman qonun loyihasi Senatdan o‘tishi uchun respublikachilarning yetarlicha qo‘llab-quvvatlashini kutayotganini aytdi.
Ukrainaga yordam paketi quyidagilarni o‘z ichiga oladi:
- 6 milliard dollar xavfsizlik yordami, jumladan, treninglar, jihozlar, qurollar va yordam;
- Ukrainaga yuborilgan AQSH uskunalari zaxiralarini to‘ldirish uchun 8,7 milliard dollar;
- Yevropa qo‘mondonligi operatsiyalari uchun 3,9 milliard dollar;
- kongress ruxsatisiz tovar va xizmatlar transferini moliyalashtirshga prezident vakolati uchun 11 milliard dollar (Bayden 5 milliard dollar so‘ragan);
- Ukraina va inqirozdan jabr ko‘rgan boshqa mamlakatlarni qo‘llab-quvvatlash uchun 4 milliard dollar harbiy mablag‘;
- kojarolar tufayli global oziq-ovqat xavfsizligini bartaraf etish uchun 5 milliard dollar;
- Ukrainani iqtisodiy qo‘llab-quvvatlash fondi uchun qariyb 9 milliard dollar;
Avvalroq Bayden AQSH kongressidan Ukrainani qo‘llab-quvvatlash uchun 33 mlrd dollar ajratishni so‘ragani haqida xabar berilgan edi.
Izoh (0)