Италияда «Шеҳерезада» суперяхтаси ҳибсга олинди. Бу ҳақда Италия Иқтисодиёт ва молия вазирлиги хабар берди.
Кайман ороллари байроғи остида ва Марина ди Каррарада боғланган кема узоқ вақтдан бери расмийлар назорати остида бўлган, — дейилади хабарда.
Суперяхта 2019 йилда қурилган бўлиб, узунлиги 140 метр ва эни 24 метрни ташкил қилади.
«Шеҳерезада», ҳатто ўз тоифасига кирувчи кемалар учун ҳам ғайриоддий даражадаги махфийлик билан ўралган.
Пудратчилар ва экипаж аъзолари маълумотларни ошкор қилмаслик тўғрисидаги шартномаларни имзолашлари шарт, яхтада ном белгисини яшириш учун махсус қопқоқлар бор.
«Шеҳерезада»нинг аниқ эгаси аниқланмаган, бироқ АҚШ расмийлари New York Times’га яхтанинг Путинга алоқадорлиги ҳақида маълум қилишган. Алексей Навальнийнинг тарафдорлари ҳам уни Россия президенти билан боғлашади.
Бошқа версияларга кўра, яхта «Роснефть» раҳбарларидан бири бўлган тадбиркор Эдуард Худаинатовга тегишли бўлиши мумкин.
Аввалроқ Германияда Алишер Усмоновнинг 156 метрлик «Дилбар» яхтаси хатловга олингани ҳақида хабар берилган эди.
Изоҳ (0)