Подполковник Анвар Ҳафизов Наманган вилояти ИИБ ЙҲХБ бошлиғи этиб тайинланди
Наманган вилоят ИИБ Йўл ҳаракати хавфсизлиги бошқармасига янги раҳбар тайинланди. Бу ҳақда «Дарё» мухбири Азизбек Абдувалиев хабар бермоқда.
Бошқармада бўлиб ўтган йиғилишда ички ишлар вазирининг тегишли буйруғи билан Наманган вилоят ИИБ Йўл ҳаракати хавфсизлиги бошқармаси бошлиғи лавозимига тайинланган подполковник Анвар Ҳафизов шахсий таркибга таништирилди.
Анвар Ҳафизов 1978 йилда Самарқандда туғилган. Самарқанд давлат университети ҳуқуқшунослик факультетини тамомлаган. Ички ишлар идораларидаги фаолиятини Тошкент шаҳар Ички ишлар бош бошқармасида бошлаган. Фаолияти давомида Ички ишлар вазирлиги Йўл ҳаракати хавфсизлиги бош бошқармасида турли вазифаларда ишлаган.
Мазкур тайинловга қадар Анвар Ҳафизов Навоий вилоят ИИБ Йўл ҳаракати хавфсизлиги бошқармаси бошлиғи лавозимида ишлаб келаётганди.
Эслатиб ўтамиз, жорий йил 11 февраль куни президент ҳузурида бўлиб ўтган видеоселектор йиғилишида Наманган вилоятида ўлим билан боғлиқ авариялар ҳар 100 минг аҳолига 13 тани ташкил этиб, бошқа ҳудудларга нисбатан анча юқори эканлиги танқид қилинганди.
Мавзуга доир: Наманганда мактаблар яқинида қуёш батареяларида ишлайдиган кўчма светофорлар ўрнатилмоқда (фото ва видео)
